Virat Kohli Bowling, IPL 2023: कर्णधार फाफ डुप्लेसिसचा संघ आरसीबीला प्लेऑफमध्ये आपले स्थान निश्चित करायचे असल्यास त्यांचे उर्वरित दोन्ही सामने जिंकावे लागतील. त्याचवेळी, कर्णधार एडन मार्करामचा संघ हैदराबाद प्लेऑफच्या शर्यतीतून बाहेर पडला असून हा संघ आता इतर संघांचा खेळ खराब करण्याचे काम करू शकतो.
विराट कोहलीने सजलेली रॉयल चॅलेंजर्स बंगळुरू आयपीएल २०२३च्या प्लेऑफमध्ये प्रवेश करण्यासाठी लढत आहे. बंगळुरू १२ गुणांसह पाचव्या स्थानावर आहे. त्याला हैदराबाद आणि गुजरातविरुद्ध आणखी २ सामने खेळायचे आहेत. बंगळुरूला दोन्ही सामने जिंकणे आवश्यक आहे. गुरुवारी हैदराबादविरुद्ध बंगळुरू मैदानात उतरणार आहे. हैदराबादला किमान धावसंख्येवर खेचण्याच्या इराद्याने कोहली उतरेल.
कोहली हैदराबादमध्ये ते काम करण्याची तयारी करत आहे, जे त्याला राजस्थान रॉयल्सविरुद्ध जयपूरमध्ये करता आले नाही. सामन्यापूर्वी कोहलीचा एक फोटो चांगलाच व्हायरल होत आहे, ज्यामध्ये तो ट्रेनिंग सेशनमध्ये गोलंदाजी करताना दिसत होता. कोहलीने याआधीही काही सामन्यांमध्ये गोलंदाजी केली आहे, परंतु नेट सत्रात त्याच्या गोलंदाजीच्या सरावाने सर्वांचे लक्ष वेधून घेतले कारण त्याने पॅड घालून गोलंदाजी केली होती.
कोहलीच्या या फोटोसोबतच त्याचे विधानही खूप व्हायरल होऊ लागले, जे त्याने राजस्थानवर बंगळुरूने ११२ धावांनी विजय मिळवल्यानंतर सांगितले होते. वास्तविक बंगळुरू आणि राजस्थान यांच्यातील सामना ५ दिवसांपूर्वी जयपूरमध्ये झाला होता. या सामन्यापूर्वी बंगळुरूचा नेट रनरेट खूपच खराब होता. या विजयासोबतच बंगळुरूची धावगतीही सुधारली आहे. अशा परिस्थितीत आरसीबीने प्रथम फलंदाजी करताना ५ गड्यांच्या मोबदल्यात १७१ धावा केल्या होत्या.
प्रत्युत्तरात बंगळुरूने राजस्थानला ५९ धावांत गुंडाळले. राजस्थानवर मोठ्या विजयानंतर कोहलीने गंमतीने सांगितले की, जर त्याने गोलंदाजी केली असती तर संपूर्ण संघ ४० धावांत ऑलआऊट झाला असता. राजस्थानविरुद्ध कोहलीची फार चांगली फलंदाजी करू शकला नाही. त्याला केवळ १८ धावा करता आल्या. अशा स्थितीत हैदराबादमध्ये त्याचा प्रयत्न बॅटने धावा करण्याचा असेल. कोहलीने १२ सामन्यात ३९.४२च्या सरासरीने ४३८ धावा केल्या आहेत.
