IPL 2023: राजस्थानविरुद्ध लखनऊने सामना जिंकला मात्र, BCCIने ठोठावला केएल राहुलला लाखोंचा दंड

राजस्थान रॉयल्सविरुद्धचा सामना जिंकण्यासाठी केएल राहुलने आपला संघ स्लो ओव्हर रेटचे नियम पाळत नाही, असे मानायला हरकत नाही. अशा परिस्थितीत त्याला १२ लाख रुपये दंड भरावा लागेल. केएल राहुलने हा सामना जिंकला असला तरी दंडाची ही रक्कम त्याला सहन करावी लागणार आहे. या सामन्यातील विजयानंतर राजस्थान रॉयल्स ६ सामन्यांतून चार विजय आणि ८ गुणांसह गुणतालिकेत दुसऱ्या स्थानावर आहे. याआधी संजू सॅमसन, हार्दिक पांड्या आणि सूर्यकुमार यादव यांनाही स्लो ओव्हर रेटसाठी दंड ठोठावण्यात आला आहे.

हेही वाचा: MI vs SRH: इशान किशनचा एकच शॉट अन् कर्णधार रोहित शर्मा थेट आला गुडघ्यावर, रितिका आली टेन्शनमध्ये

सामन्यात काय झाले?

जयपूरच्या सवाई मानसिंग स्टेडियमवर खेळल्या गेलेल्या या सामन्यात लखनऊ सुपर जायंट्सने प्रथम फलंदाजी करताना २० षटकात ७ गडी गमावून १५४ धावा केल्या. प्रत्युत्तरात राजस्थानचा संघ २० षटकांत ६ गडी गमावून १४४ धावाच करू शकला. या सामन्यात लखनऊकडून काइल मेयर्सने ४२ चेंडूत ५१ धावांची खेळी केली. याशिवाय कर्णधार केएल राहुलने ३९ धावा केल्या.

आयपीएल २०२३ हंगामाचा पहिला सामना सवाई मानसिंग स्टेडियमवर खेळला गेला. आयपीएलच्या या २६व्या सामन्यात लखनऊ सुपर जायंट्सला स्लो ओव्हर रेटमुळे दंड ठोठावण्यात आला. आयपीएलच्या किमान ओव्हर-रेट गुन्ह्यांशी संबंधित आचारसंहितेनुसार या हंगामातील हा संघाचा पहिला गुन्हा होता, ज्या अंतर्गत कर्णधार राहुलला १२ लाखांचा दंड ठोठावण्यात आला होता.

हेही वाचा: IPL 2023 MI vs SRH: अर्जुनने घेतला सचिन तेंडुलकरचा बदला, वडिलांना शून्यावर बाद करणाऱ्या ‘या’ खेळाडूची घेतली विकेट

लखनऊ सुपर जायंट्सच्या कमी धावसंख्येनंतरही राजस्थान रॉयल्सला सामना जिंकता आला नाही. १५४ धावांच्या प्रत्युत्तरात राजस्थान रॉयल्सने एक वेळ एक विकेट गमावून ८७ धावा केल्या होत्या. मात्र, त्यानंतर ठराविक अंतराने विकेट पडत राहिल्याने राजस्थानचा संघ २० षटकांत १४४ धावाच करू शकला. यशस्वी जैस्वालने सर्वाधिक ४४ धावा केल्या. त्याचवेळी जॉस बटलरने ४० धावांची खेळी केली. या विजयानंतर दोन्ही संघांच्या स्थितीत कोणताही बदल झाला नसून सध्या राजस्थान गुणतालिकेत अव्वल स्थानावर आहे.