नवी दिल्ली : मुंबई इंडियन्स आणि दिल्ली कॅपिटल्स हे इंडियन प्रीमियर लीग (आयपीएल) ट्वेन्टी-२० क्रिकेटच्या यंदाच्या हंगामातील पहिल्या विजयाच्या शोधात असणारे संघ मंगळवारी आमनेसामने येणार आहेत. या सामन्यात दोन्ही संघांतील स्थानिक खेळाडूंच्या कामगिरीवर सर्वाची नजर असेल.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
‘आयपीएल’मधील सर्वात यशस्वी संघ असलेल्या मुंबईने यंदाच्या हंगामाची निराशाजनक सुरुवात केली आहे. सलामीच्या लढतीत रॉयल चॅलेंजर्स बंगळूरुकडून पराभूत झाल्यानंतर चेन्नई सुपर किंग्जविरुद्ध घरच्या मैदानावर झालेल्या सामन्यात मुंबईचा संघ कामगिरी उंचावेल अशी अपेक्षा होती. मात्र, चेन्नईविरुद्ध मुंबईने अधिकच निराशा केली. मुंबईचे आघाडीच्या फळीतील फलंदाज आणि गोलंदाज अपयशी ठरले. मात्र, दिल्लीच्या संघालाही अजून लय सापडली नसल्याने या सामन्यात दमदार कामगिरी करून विजयाचे खाते उघडण्याची मुंबईकडे उत्तम संधी आहे.
कार अपघातात जखमी झालेल्या ऋषभ पंतविना खेळणाऱ्या दिल्लीच्या संघाने सुरुवातीचे तीनही सामने गमावले आहेत. पंतच्या अनुपस्थितीत दिल्लीचे नेतृत्व करणाऱ्या डेव्हिड वॉर्नरने (तीन सामन्यांत १५८ धावा) फलंदाजीत छाप पाडली असली, तरी कर्णधार म्हणून त्याला संघाची मोट बांधता आलेली नाही. त्यामुळे घरच्या मैदानावर खेळताना मुंबईविरुद्ध अधिक चांगली कामगिरी करण्यासाठी वॉर्नरवर दडपण असेल.
मुंबईकडे कर्णधार रोहित शर्मा, इशान किशन आणि सूर्यकुमार यादव यांसारखे, तर दिल्लीकडे पृथ्वी शॉ, सर्फराज खान, अक्षर पटेल आणि कुलदीप यादव यांसारखे गुणवान भारतीय खेळाडू आहेत. परंतु या खेळाडूंना अपेक्षित कामगिरी करता न आल्याचा फटका दोन्ही संघांना बसला आहे. त्यामुळे ज्या संघाचे भारतीय खेळाडू आपली कामगिरी उंचावतील, त्या संघाला या सामन्यात विजयाची अधिक संधी असेल.
* वेळ : सायं. ७.३० वाजता
* थेट प्रक्षेपण : स्टार स्पोर्ट्स १, २, १ हिंदी, जिओ सिनेमा
सूर्यकुमारच्या कामगिरीची चिंता
मुंबईला सूर्यकुमार यादवच्या कामगिरीची चिंता असेल. सूर्यकुमारला गेल्या काही काळापासून धावांसाठी झगडावे लागले आहे. ट्वेन्टी-२० क्रिकेटमध्ये सूर्यकुमार सर्वोत्तम कामगिरी करत असल्याने ‘आयपीएल’मध्ये त्याला सूर गवसेल अशी अपेक्षा होती. परंतु बंगळूरुविरुद्ध १५ धावा, तर चेन्नईविरुद्ध केवळ १ धाव करून तो बाद झाला. त्यामुळे मुंबईला विजयाचे खाते उघडायचे झाल्यास सूर्यकुमारला लय सापडणे गरजेचे आहे.
‘आयपीएल’मधील सर्वात यशस्वी संघ असलेल्या मुंबईने यंदाच्या हंगामाची निराशाजनक सुरुवात केली आहे. सलामीच्या लढतीत रॉयल चॅलेंजर्स बंगळूरुकडून पराभूत झाल्यानंतर चेन्नई सुपर किंग्जविरुद्ध घरच्या मैदानावर झालेल्या सामन्यात मुंबईचा संघ कामगिरी उंचावेल अशी अपेक्षा होती. मात्र, चेन्नईविरुद्ध मुंबईने अधिकच निराशा केली. मुंबईचे आघाडीच्या फळीतील फलंदाज आणि गोलंदाज अपयशी ठरले. मात्र, दिल्लीच्या संघालाही अजून लय सापडली नसल्याने या सामन्यात दमदार कामगिरी करून विजयाचे खाते उघडण्याची मुंबईकडे उत्तम संधी आहे.
कार अपघातात जखमी झालेल्या ऋषभ पंतविना खेळणाऱ्या दिल्लीच्या संघाने सुरुवातीचे तीनही सामने गमावले आहेत. पंतच्या अनुपस्थितीत दिल्लीचे नेतृत्व करणाऱ्या डेव्हिड वॉर्नरने (तीन सामन्यांत १५८ धावा) फलंदाजीत छाप पाडली असली, तरी कर्णधार म्हणून त्याला संघाची मोट बांधता आलेली नाही. त्यामुळे घरच्या मैदानावर खेळताना मुंबईविरुद्ध अधिक चांगली कामगिरी करण्यासाठी वॉर्नरवर दडपण असेल.
मुंबईकडे कर्णधार रोहित शर्मा, इशान किशन आणि सूर्यकुमार यादव यांसारखे, तर दिल्लीकडे पृथ्वी शॉ, सर्फराज खान, अक्षर पटेल आणि कुलदीप यादव यांसारखे गुणवान भारतीय खेळाडू आहेत. परंतु या खेळाडूंना अपेक्षित कामगिरी करता न आल्याचा फटका दोन्ही संघांना बसला आहे. त्यामुळे ज्या संघाचे भारतीय खेळाडू आपली कामगिरी उंचावतील, त्या संघाला या सामन्यात विजयाची अधिक संधी असेल.
* वेळ : सायं. ७.३० वाजता
* थेट प्रक्षेपण : स्टार स्पोर्ट्स १, २, १ हिंदी, जिओ सिनेमा
सूर्यकुमारच्या कामगिरीची चिंता
मुंबईला सूर्यकुमार यादवच्या कामगिरीची चिंता असेल. सूर्यकुमारला गेल्या काही काळापासून धावांसाठी झगडावे लागले आहे. ट्वेन्टी-२० क्रिकेटमध्ये सूर्यकुमार सर्वोत्तम कामगिरी करत असल्याने ‘आयपीएल’मध्ये त्याला सूर गवसेल अशी अपेक्षा होती. परंतु बंगळूरुविरुद्ध १५ धावा, तर चेन्नईविरुद्ध केवळ १ धाव करून तो बाद झाला. त्यामुळे मुंबईला विजयाचे खाते उघडायचे झाल्यास सूर्यकुमारला लय सापडणे गरजेचे आहे.
