मुंबई इंडियन्स आयपीएल २०२३ मध्ये बाहेर पडणार होतीच पण शुबमन गिलने बंगळुरूमध्ये अशी काही खेळी केली त्यामुळे एममाय पलटणला नवसंजीवनी मिळाली आणि ते प्ले ऑफमध्ये पोहचले. २२ वर्षीय युवा सलामीवीराने गुजरात टायटन्ससाठी सलग दुसरे शतक झळकावले. त्याच्या शतकापुढे विराट कोहलीचे शतक झाकोळले गेले आणि रॉयल चॅलेंजर्स बंगळुरूला प्लेऑफच्या शर्यतीतून बाहेर पडली. समीकरण असे होते की बंगळुरूनेच जर हा सामना जिंकला असता तर ५ वेळा चॅम्पियन मुंबई इंडियन्स बाहेर पडली असती.
बरं, जेव्हा शुबमन गिलने शतक ठोकून गुजरात टायटन्सला विजय मिळवून दिला आणि मुंबईला प्लेऑफचं तिकीट पक्कं झालं. यानंतर महान फलंदाज क्रिकेटचा देव सचिन तेंडुलकरने एका ट्विटमध्ये गिलचे अनोख्या पद्धतीने कौतुक केले. त्याने लिहिले, “कॅमेरून ग्रीन आणि शुबमन गिल यांनी मुंबई इंडियन्ससाठी खूप फलंदाजी केली.” (येथे त्याने एक मजेदार इमोजी देखील टाकला).
सचिनने पुढे लिहिले, “विराट कोहलीने अप्रतिम फलंदाजी करताना सलग दुसरे शतक झळकावले. त्याची खेळी अप्रतिम होती. मुंबई इंडियन्स प्लेऑफमध्ये पोहोचल्याचा आनंद आहे. एकाच दिवसात आयपीएलमध्ये तीन शतके झळकावली. प्रथम, कॅमेरून ग्रीनने हैदराबादविरुद्ध मुंबईसाठी शतक झळकावले आणि दुसरीकडे विराट कोहली आणि शुबमन गिल यांनी बंगळुरू आणि गुजरात सामन्यात शतके ठोकली.”
दुसरीकडे, सचिन तेंडुलकरची ही पोस्ट आरसीबीच्या चाहत्यांना फारशी आवडलेली नाही. “मात्र, आता कोणी काय करू शकतो? ही भाग्याची गोष्ट आहे.” अशी पोस्ट सचिनने केली. एक षटकात सर्वाधिक धावा करणारा फाफ डु प्लेसिस आणि तिसरा सर्वोत्तम धावा करणारा विराट कोहली प्लेऑफमधून बाहेर पडला, रोहित शर्माचा संघ प्लेऑफमध्ये आहे आणि त्याने सहावे जेतेपद जिंकल्यास आश्चर्य वाटणार नाही.
विराटने गिलला मारली मिठी
गिलने अनेकदा सांगितले आहे की, तो विराट कोहली याला आदर्श मानतो. तसेच, दोघांमध्ये चांगले नाते आहे. हेच नाते त्यांचे सामन्यानंतरही पाहायला मिळाले. सामन्यानंतर आरसीबी प्ले-ऑफमधून बाहेर पडल्याचे दु:ख विसरत विराट कोहलीने शुबमन गिल याला त्याच्या शानदार शतकासाठी शुभेच्छा दिल्या. विराटने गिलला मिठी मारली आणि जबरदस्त खेळीचे कौतुकही केले.
पहिला क्वालिफायर सामना
आयपीएल २०२३ स्पर्धेतील पहिला क्वालिफायर सामना गुजरात टायटन्स वि. चेन्नई सुपर किंग्स संघात खेळला जाणार आहे. हा सामना २३ मे रोजी एम.ए. चिदंबरम स्टेडिअमवर पार पडणार आहे.