IPL 2023: “संघात अनेक समस्या आहेत म्हणूनच…”, मोहम्मद कैफने संघ जिंकूनही दिल्ली कॅपिटल्समधील उणीवांवर ठेवलं बोट

दिल्लीला आता सातत्याने सामने जिंकण्यावर लक्ष केंद्रित करावे लागेल – मोहम्मद कैफ

आयपीएलच्या या मोसमात दिल्ली कॅपिटल्स आणि सनरायझर्स हैदराबाद हे दोन्ही संघ आपला सर्वोत्तम खेळ दाखवण्यात अपयशी ठरले आहेत. हैदराबाद २ विजय आणि ४ गुणांसह गुणतालिकेत नवव्या तर दिल्ली कॅपिटल्स कालच्या विजयासह दहाव्या स्थानावर आहे. गुणतालिकेत मजबूत होण्यासाठी संघासाठी आगामी प्रत्येक सामना जिंकणे अत्यंत आवश्यक आहे. मोहम्मद कैफने सामन्यापूर्वी दिल्ली कॅपिटल्सला इशारा दिला होता की दिल्ली कॅपिटल्सने त्यांच्या रणनीतीवर काम करणे आवश्यक आहे.

स्टार स्पोर्ट्सवर बोलताना मोहम्मद कैफ म्हणाला, “दिल्लीला त्यांच्या संघ संयोजनावर लक्ष केंद्रित करण्याची गरज आहे. या संघाला त्यांच्या रणनीतींवर नव्याने विचार करण्याची गरज आहे. संघात अनेक समस्या असून, खेळाडूंचे मनोधैर्यही थोडे कमी झाल्याचे दिसते. आता दिल्ली कॅपिटल्सला सर्वकाही विसरून सातत्याने सामने जिंकण्यावर लक्ष केंद्रित करावे लागेल, जे अशक्य काम नाही.”

हेही वाचा: Virat and Anushka: अनुष्का बनली पार्टनर अन् विराट झाला बॅडमिंटन चॅम्पियन!  आयपीएलदरम्यान नवीन प्रयोग करणाऱ्या विरुष्काचा भन्नाट Video व्हायरल

पूरनला मोठे फटके मारण्यासाठी खुली सूट द्यावी

स्टार स्पोर्ट्सवर बोलताना मोहम्मद कैफ म्हणाला, “लखनऊ सुपर जायंट्स व्यवस्थापनाने पूरनवर कमी दबाव टाकला पाहिजे. आयपीएल २०२३ मध्ये मोठे फटके मारण्यासाठी खुली सूट दिली पाहिजे.” तो म्हणाला, “मला विश्वास आहे की गौतम गंभीर आणि केएल राहुल यांनी निकोलस पूरनला मोठे फटके मारण्याची मोकळीक दिली पाहिजे. कारण अशा खेळाडूला एका मर्यादेपलीकडे तू डाव सावर असं नाही सांगू शकत. त्याच्याकडून प्रत्येक सामना जिंकावा अशी अपेक्षाही तुम्ही करू शकत नाही.”

मोहम्मद कैफ पुढे म्हणाला, “तुम्ही त्याच्याकडून अपेक्षा करू शकता. जसे की तो येथे १४-१५ लीग सामने खेळण्यासाठी आला आहे आणि पूरनने लखनऊला ४-५ सामने जिंकण्यास मदत केली तर ते पुरेसे आहे. प्रत्येक वेळी निकोलस पूरनसारखा खेळाडू आपली विकेट गमावतो तेव्हा आपल्याला असे वाटते की त्याने चांगली कामगिरी केली नाही. पण पूरनसारख्या पॉवर हिटरला मार्गदर्शनाची गरज आहे. त्यांना नैसर्गिक खेळ खेळण्यासाठी प्रेरित करा.”

हेही वाचा: Kohli on Anushka: सेल्फीसाठी एक चाहता अनुष्काजवळ आला अन् विराट कोहली भडकला, Video व्हायरल

आयपीएल २०२३ मध्ये गौतम गंभीर आणि केएल राहुल यांनी संघाचा फलंदाज निकोलस पूरनला खेळण्यासाठी मोकळा हात दिला पाहिजे, असे मत माजी क्रिकेटपटू मोहम्मद कैफचे आहे. आयपीएलमध्ये खेळायला सुरुवात केल्यापासून पूरन हा एक गूढच राहिला आहे. वेस्ट इंडिजचा हा धडाकेबाज फलंदाज अद्याप आयपीएलमध्ये पूर्ण क्षमतेने खेळू शकलेला नाही. जरी तो आयपीएलमध्ये अनेक संघांसाठी खेळला आहे. गेल्या वर्षी झालेल्या आयपीएलच्या मिनी लिलावात लखनऊ सुपर जायंट्सने १६ कोटी रुपये खर्च करून निकोलस पूरनचा संघात समावेश केला होता.