IPL 2024 : गावस्कर यांच्यापाठोपाठ आता चेन्नईचे प्रशिक्षक हसीदेखील प्रभावित; ऋतुराज गायकवाड क्रिकेट जाणणारा माणूस

‘‘संघाने अचूक खेळाडूची कर्णधारपदी नियुक्ती केली आहे. ऋतुराज विलक्षण आहे. तो सामन्याची चांगली तयारी करतो. सामन्यापूर्वी प्रशिक्षक फ्लेमिंग आणि धोनीबरोबर डावपेचांवर चर्चा करण्यासाठी एकत्र येतो,’’ असे हसी यांनी सांगितले.

आणखी वाचा

Shreyas Iyer: श्रेयस अय्यरच्या खांद्यावर ‘या’ संघाने कर्णधारपदाची दिली जबाबदारी! अजिंक्य रहाणेही अय्यरच्या नेतृत्त्वाखाली खेळणार

महायुतीला सत्ता मिळाली, लाडक्या बहिणींना २१०० रुपये कधीपासून…

सामाजिक काम करणाऱ्यांना आपलेसे करा!

Suryakumar Yadav : ‘आता सगळ्यांनी मायदेशात जाऊन…’, दक्षिण आफ्रिकेविरुद्धची मालिका जिंकल्यानंतर सूर्याने संघाला दिला महत्त्वाचा सल्ला

Suryakumar Yadav : याला म्हणतात देशभक्ती… देशाचा अपमान होताना पाहून सूर्यकुमार यादवने केलं असं काही की, तुम्हीही कराल सलाम, पाहा VIDEO

Tilak Varma : ‘…मी कल्पनाही केली नव्हती’, विक्रमी शतकानंतर तिलक वर्माने देवासह ‘या’ खेळाडूचे मानले आभार

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

हेही वाचा >>> हार्दिक पांड्याची ‘ती’ चूक अन् मुंबईने सामना गमावला; माजी क्रिकेटपटूंनी मुंबईच्या कर्णधाराला झापलं

ऋतुराजने कर्णधार म्हणून निश्चित छाप सोडली आहे, असे मत व्यक्त करताना हसी म्हणाले, ‘‘ऋतुराज हा क्रिकेट जाणणारा माणूस आहे. तो ज्या पद्धतीने क्षेत्ररक्षणाची व्यूहरचना करतो ते बघितले की त्याची मानसिकता स्पष्ट होते. गोलंदाजांनाही तो स्पष्ट संदेश देतो. विशेष म्हणजे त्याला संघ सहकाऱ्यांकडून चांगला पाठिंबा मिळत आहे.’’

हसी यांनी धोनीला फलंदाजीला न पाठविण्याचे देखील समर्थन केले. ‘‘मुळात खेळण्यासाठी खूप चेंडू नव्हते आणि समीर रिझवी चांगला फलंदाज आहे. फिरकी गोलंदाजीचा सामना करण्याची त्याच्याकडे क्षमता आहे. त्याने ती सिद्ध करून देखील दाखवली. धोनीच्या आधी त्याला संधी देणे हा संघ व्यवस्थापनाचा निर्णय होता,’’ असे हसी म्हणाले.

हेही वाचा >>> IPL 2024 : ‘रन’ धुमाळीत हैदराबादची सरशी, मुंबई इंडियन्सवर ३१ धावांनी विजय

गेल्या वर्षीपासून आयपीएलमध्ये वापरला जाणारा प्रभावी खेळाडू (इम्पॅक्ट प्लेअर) या नियमामुळे धोनीचा फलंदाजीचा क्रम बदलला असे हसी यांनी सांगितले. ‘‘या नियमामुळे आम्हाला अधिक वेगवान खेळणाऱ्या फलंदाजाचा उपयोग करून घेता येतो. यामुळे आम्ही धोनीचा फलंदाजीसाठी आठवा क्रमांक निश्चित केला. अर्थात, यामुळे चाहत्यांची धोनीला फलंदाजी करताना बघायची प्रतीक्षा लांबली,’’ असेही हसी म्हणाले.

शिवम दुबेने फलंदाजीत कमालीची सुधारणा केली आहे. आखूड टप्प्याचे चेंडू शिवमला खेळता येत नाही असे म्हटले जात होते. मात्र, त्याने आपल्या फलंदाजीत कमालीची सुधारणा केली. विशेष म्हणजे त्याच्या प्रगतीवर धोनीचे लक्ष होते. शिवम आता गोलंदाजांना काही तरी नवे करून दाखविण्यास भाग पाडतो. हा सर्वात त्याच्या फलंदाजीत पडलेला मोठा फरक आहे. – मायकल हसी, फलंदाजी प्रशिक्षक, चेन्नई सुपर किंग्ज.