DC vs MI Highlights, IPL 2024:दिल्ली कॅपिटल्सने मुंबईकडून घेतला मागील पराभवाचा बदला, जेक फ्रेझरची खेळी ठरली मॅचविनिंग

मुंबई इंडियन्सचा १० धावांनी पराभव करत दिल्लीने मागील पराभवाचा बदला घेतला आहे. मुंबईकडून तिलक वर्मासह खालच्या फळीतील खेळाडूंनी अखेरच्या षटकांमध्ये फलंदाजी केली पण संघाला विजय मिळवून देऊ शकले नाहीत. दिल्लीने दिलेल्या २५८ धावांच्या लक्ष्याचा पाठलाग करताना मुंबईचा संघ ९ बाद २४७ धावाच करू शकला.

मुकेश कुमारच्या १८व्या षटकात टीम डेव्हीड झेलबाद झाला. षटकाच्या सुरूवातीच्या तीन चेंडूवर २ षटकार आणि १ चौकार लगावत फटकेबाजी सुरू केली. पण मोठा फटका खेळण्याच्या प्रयत्नात टीम बाद झाला.

टीम डेव्हीड आणि तिलकच्या फलंदाजीच्या जोरावर मुंबईने २०० धावांचा टप्पा गाठला आहे. टीम डेव्हीडने तिलकला चांगली साथ देत संधी मिळताच फटकेबाजी केली आहे.

तिलक वर्माने सलग दुसरे अर्धशतक झळकावत मुंबईसाठी पुन्हा एकदा महत्त्वपूर्ण इनिंग खेळली आहे. तिलकने २५ चेंडूत ३ षटकार आणि ४ चौकारासह ५० धावा पूर्ण केल्या.

मुंबई इंडियन्सने १५ षटकांनंतर मुंबईची धावसंख्या ५ बाद १७३ धावा आहे. मुंबईला विजयासाठी ३० चेंडूत ८५ धावांची गरज आहे. तिलक ४६ धावा तर डेव्हीड ११ धावांवर खेळत आहे.

रसिखने एकाच षटकात दोन मोठे विकेट्स घेतले आहेत. रसिखने एकाच षटकात दोन मोठे विकेट्स घेतले आहेत. दिल्लीने इम्पॅक्ट खेळाडू म्हणून रसिख दार सलामला सामन्यात आणले आणि एकाच षटकात त्याने इम्पॅक्ट पाडला. त्याने मैदानात सेट झालेल्या कर्णधार पंड्याला झेलबाद केले. पंड्याने २४ चेंडूत ३ षटकार आणि ४ चौकारांसह ४६ धावा केल्या.

तर पाचव्या चेंडूवर रसिखने विस्फोटक फलंदाज नेहाल वधेराला बाद केले. ज्याने येताच पहिल्याच चेंडूवर चौकार लगावला आणि पुढच्या चेंडूवर ऋषभ पंतने त्याला झेलबाद केले.

१० षटकांनंतर मुंबईची धावसंख्या ३ बाद ११५ धावा आहे. तिलक वर्मा आणि हार्दिक पंड्या संधी मिळताच फटकेबाजी करताना दिसत आहेत. तिलक २० तर हार्दिक पंड्या ३१ धावांवर खेळत आहे. मुंबईला विजयासाठी ६० चेंडूत १४३ धावांतची गरज आहे.

मुंबईने पॉवरप्लेमध्ये ३ बाद ६५ धावा केल्या आहेत. मुंबईचे टॉप-३ फलंदाज मोठी धावसंख्या उभारण्यात अयशस्वी ठरले. रोहित शर्मा ३ धावा, इशान किशन २० धावा तर सूर्या २६ धावा करत बाद झाले. सध्या मैदानात तिलक वर्मा आणि हार्दिक पंड्याची जोडी आहे.

नेहमीप्रमाणे सूर्याची शानदार फटकेबाजी पहिल्याच चेंडूपासून सुरू होती. पण तो मोठी धावसंख्या उभारू शकला नाही. खलीलच्या सहाव्या षटकातील शेवटच्या चेंडूवर अक्षर पटेलकडून झेलबाद झाला. सूर्याने बाद होण्यापूर्वी १३ चेंडूत २ षटकार आणि ३ चौकारांसह २६ धावा केल्या.

पाचव्या षटकातील मुकेश कुमारच्या पहिल्याच चेंडूवर इशान किशन अक्षर पटेलकडून झेलबाद झाला. बाद होण्यापूर्वी इशानने १४ चेंडूत ४ चौकारांसह २० धावा केल्या.

खलील अहमदच्या चौथ्या षटकात रोहित शर्मा झेलबाद झाला आहे. मोठा फटका खेळण्याच्या प्रयत्नात बॅटवर चेंडू नीट न आदळल्याने रोहित ८ धावा करत बाद झाला. मुंबई संघ सध्या ३५ धावांवर खेळत आहे.

दिल्लीने दिलेल्या २५८ धावांच्या लक्ष्याचा पाठलाग करण्यासाठी मुंबईकडून रोहित-इशानची जोडी मैदानात आहे. विलियम्सने दिल्लीकडून चांगली सुरूवात केली. मुंबईने पहिल्या षटकात १४ धावा केल्या आहेत.

दिल्ली कॅपिटल्सने प्रथम फलंदाजी करताना ४ बाद २५७ धावा केल्या आहेत. दिल्लीने पहिल्यांदाच आयपीएलच्या इतिहासात २५७ धावांचा आकडा गाठला आहे. जेक फ्रेझरच्या वादळी ८४ धावांच्या खेळीसह दिल्लीच्या या ऐतिहासिक धावसंख्येचा पाया रचला आहे. फ्रेझरने पॉवरप्लेमध्ये ९२ धावांचा आकडा संघाला गाठून दिला. तर अभिषेक पोरेलने त्याला चांगली साथ दिली. जेक फ्रेझरने अवघ्या १५ चेंडूत दिल्लीसाठी सर्वात जलद अर्धशतक झळकावले. पीयुष चावलाने त्याला झेलबाद केल्याने अवघ्या काही धावांसाठी त्याचे अर्धशतक हुकले.

जेक फ्रेझर बाद झाल्यानंतर अभिषेक पोरेल आणि शाई होप यांनी संघाचा डाव सावरला. पण नबीच्या गोलंदाजीवर पोरेल २७ चेंडूत १ षटकार आणि ३ चौकारांसह ३६ धावा करत बाद झाला. शाई होपने १७ चेंडूत वादळी फलंदाजी करत ५ षटकारांसह ४१ धावा केल्या. पंत २९ धावा करत बुमराहकडून बाद झाला. तर ट्रिस्टन स्टब्स आपल्या चांगल्या फॉर्मात कायम असून त्याने २५ चेंडूत ६ चौकार आणि २ षटकारांसह नाबाद ४८ धावांची खेळी केली. ल्युक वुडच्या एका षटकात त्याने २६ धावा कुटल्या. तर अक्षरने एका षटकारासहित ११ धावा करत नाबाद राहिला.

मुंबईच्या बुमराहसह सर्वच गोलंदाजांची दिल्लीच्या फलंदाजांनी कुटाई केली. जसप्रीत बुमराह, पीयुष चावला, ल्युक वुड आणि मोहम्मद नबीने प्रत्येक एक विकेट घेतली,पण फारशी चांगली कामगिरी करू शकले नाही.

१९ व्या षटकातील दुसऱ्याच चेंडूवर पंत बुमराहच्या चेंडूवर झेलबाद झाला. बुमराह-पंतच्या लढतीत पुन्हा एकदा बुमराहने बाजी मारत पंतला सातव्यांदा आऊट केले आहे. पंतने १९ चेंडूत २ षटकार, २ चौकारांसह २९ धावा केल्या.

ट्रिस्टन स्टब्सने वुडच्या १८व्या षटकात ५ चौकार आणि एका षटकारासह २६ धावा केल्या. यासह स्टब्सने २० चेंडूत ३९ धावा केल्या आहेत. १८ षटकांनंतर दिल्लीची धावसंख्या ३ बाद २३४ धावा आहे.

दिल्लीचे टॉप-५ फलंदाज आज तुफान फॉर्मात असून सध्या मैदानात स्टब्स आणि पंतची जोडी आहे. पंत आणि स्टब्स मिळून मुंबईच्या गोलंदाजांना चांगलंच धारेवर धरलं आहे.

दिल्ली कॅपिटल्सने १५ षटकांत १९० धावांचा टप्पा गाठला आहे. दिल्लीच्या टॉप ४ फलंदाजांनी धावांमध्ये महत्त्वाचे योगदान दिले. सध्या मैदानात ऋषभ पंत २० धावा आणि स्टब्स ४ धावांवर खेळत आहे.

ल्युक वुडची या सामन्यात चांगलीच धुलाई केली आहे. पण १४ व्या षटकातील चौथ्या चेंडूवर त्याने दोन षटकांराच्या धुलाईनंतर तिलक वर्माकरवी झेलबाद केले. होपने १७ चेंडूत ५ षटकारांसह ४१ धावा केल्या.

१० षटकांनंतर दिल्लीची धावसंख्या २ बाद १३८ धावा आहे. ऋषभ पंत ३ धावा तर शाई होप १२ धावांवर खेळत आहे.

मोहम्मद नबीने १०व्या षटकातील चौथ्या चेंडूवर आयपीएल २०२४ मधील पहिली विकेट मिळाली. नबीच्या गोलंदाजीवर इशानने अभिषेक पोरेलला झेलबाद केले.

पीयुष चावलाने आठव्या षटकातील तिसऱ्या चेंडूवर फ्रेझरला झेलबाद केले. मोठा फटका खेळण्याच्या प्रयत्नात फ्रेझर सीमारेषेजवळ मोहम्मद नबीकडून झेलबाद झाला. पीयुष चावलाने मुंबईला मोठी विकेट मिळवून दिली असून मुंबईवरील निम्मे ओझे हलके केले. फ्रेझरने बाद होण्यापूर्वी २७ चेंडूत ११ चौकार आणि ६ षटकारांसह ८४ धाला केल्या आहेत.

फ्रेझरच्या अर्धशतकाच्या जोरावर दिल्लीने पॉवरप्लेमध्ये ९२ धावा केल्या आहेत. अभिषेक पोरेल ११ धावा तर जेक फ्रेझर ७८ धावांवर खेळत आहे. मुंबई इंडियन्सचा संघ पहिल्या विकेटच्या प्रतिक्षेत आहे.

दिल्लीकडून फ्रेझर मॅकगर्कची वादळी फलंदाजी सुरू आहे. फ्रेझरने अवघ्या ५ षटकांत दिल्लीची धावसंख्या बिनबाद ८९ धावांवर खेळत आहे. हार्दिकच्या पाचव्या षटकात फ्रेझरने २० धावा केल्या आहेत.

दिल्ली संघाचा विस्फोटक फलंदाज फ्रेझरने अवघ्या १५ चेंडूत शानदार अर्धशतक झळकावले आहे. चौकार-षटकारांच्या आतिषबाजीसह मुंबईच्या सर्व गोलंदाजांची चांगलीच धुलाई केली आहे.

फ्रेझरने २.४ षटकांतच दिल्लीची धावसंख्या ५० पार नेली आहे. फ्रेझर १४ चेंडूत ४६ धावांवर खेळत आहे. ३ षटकांनंतर दिल्लीची धावसंथ्या ५५ धावा आहे.

फ्रेझरने बुमराहच्या पहिल्याच चेंडूवर दणदणीत षटकार लगावला तर हा पहिला चेंडूच नो बॉलही ठरला, त्यामुळे फ्री हिट असल्याने पुढच्या चेंडूवर चौकार मिळाला. फ्रेझरने बुमराहच्या षटकातही १८ धावा कुटल्या. २ षटकांनंतर दिल्लीची धावसंख्या ३७ धावा आहे.

दिल्ली कॅपिटल्सच्या डावाला सुरूवात झाली असून अभिषेक पोरेल आणि फ्रेझर मॅकगर्क सलामीला उतरले आहेत. फ्रेझरने वुडच्या पहिल्याच षटकात चौकार-षटकारांसह १९ धावा कुटल्या आहेत.

पहिला चेंडू – चौकार

दुसरा चेंडू – चौकार

तिसरा चेंडू – षटकार

चौथा चेंडू – डॉट बॉल

पाचवा चेंडू – चौकार

सहावा चेंडू – १ धाव

रोहित शर्मा, इशान किशन (विकेटकीपर), तिलक वर्मा, नेहल वढेरा, हार्दिक पांड्या (कर्णधार), टीम डेव्हिड, मोहम्मद नबी, पीयूष चावला, ल्यूक वुड, जसप्रीत बुमराह, नुवान तुषारा

सबस्टीट्यूट: सूर्यकुमार यादव, नमन धीर, शम्स मुलानी, डेवाल्ड ब्रेविस, कुमार कार्तिकेय

जेक फ्रेझर-मॅकगर्क, कुमार कुशाग्र, शाई होप, ऋषभ पंत (विकेटकीपर/कर्णधार), ट्रिस्टन स्टब्स, अभिषेक पोरेल, अक्षर पटेल, कुलदीप यादव, लिझाड विल्यम्स, मुकेश कुमार, खलील अहमद

सबस्टीट्यूट: रसिक दार सलाम, प्रवीण दुबे, विकी ओसवाल, रिकी भुई,सुमित कुमार

मुंबई इंडियन्सच्या संघात गेराल्ड कोएत्झीच्या जागी ल्युक वुडला प्लेईंग इलेव्हनमध्ये सामील केले आहे. तर दिल्लीच्या संघात पृथ्वी शॉऐवजी कुमार कुशाग्रला संधी देण्यात आली आहे.