IPL 2024 Kolkata Knight Riders vs Sunrisers Hyderabad: कोलकाता संघाने सामन्याच्या अखेरच्या चेंडूवर ४ धावांनी हैदराबाद संघावर विजय मिळवला. डेथ ओव्हर्समध्ये संघाच्या हातून निसटलेला सामना हर्षित राणाने अखेरच्या षटकात केकेआरच्या दिशेने वळवला. कोलकाताने दिलेल्या २०९ धावांच्या लक्ष्याचा पाठलाग करताना हैदराबादचा संघ २०४ धावा करण्यात यशस्वी झाला. अखेरीस केकेआरच्या संघाने दणदणीत विजय मिळवला. आंद्रे रसेलच्या पहिल्या डावात षटकार-चौकारांच्या आतिषबाजीसह केलेल्या ६४ धावा आणि दुसऱ्या डावात २ विकेट्सही घेतले. पण हैदराबादच्या संघानेही काही हार नाही मानली. हेनरिक क्लासेनने डेथ ओव्हर्समध्ये षटकारांचा सिलसिला सुरू करत सामन्याचा रोख बदलला होता. पण कोलकाताला विजय मिळवण्यात यश आले. कोट्यवधी रूपये खर्चून संघात सामील केलेला मिचेल स्टार्क अयशस्वी ठरला पण हर्षित राणा कोलकातासाठी हुकुमाचा एक्का ठरला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
