IPL 2024 LSG VS CSK Match Noise Levels Peak : इंडियन प्रीमियर लीग २०२४ मध्ये चेन्नई सुपर किंग्जचा माजी कर्णधार महेंद्रसिंग धोनीला चाहत्यांकडून भरभरून प्रेम मिळतेय. धोनी जेव्हा जेव्हा मैदानात येतो तेव्हा तेव्हा चाहते ‘धोनी धोनी’ अशी नारेबाजी करीत एकच जल्लोष करतात. यावेळी स्टेडियममधील माहोल अगदी पाहण्यासारखा असतो. १९ एप्रिलच्या रात्री आयपीएल २०२४ मधील ३४ वा सामना लखनौ सुपर जायंट्स आणि चेन्नई सुपर किंग्ज यांच्यात लखनौमधील इकाना क्रिकेट स्टेडियमवर खेळला गेला. त्यावेळी धोनी फलंदाजीसाठी ड्रेसिंग रूममधून बाहेर येताच संपूर्ण स्टेडियम त्याच्या नावाच्या जल्लोष करू लागले. धोनीच्या एन्ट्रीवेळी स्टेडियममध्ये एवढा आवाज झाला, की स्मार्ट वॉचवरही अलर्टचे मेसेज येऊ लागले. त्या मेसेजद्वारे एवढे ध्वनिप्रदूषण स्टेडियममधील प्रेक्षकांच्या आरोग्याच्या दृष्टीने घातक असल्याचे सूचित केले गेले होते.
लखनऊ सुपर जायंट्सचा स्टार खेळाडू क्विंटन डीकॉकच्या पत्नीने तिच्या इन्स्टाग्रामवर एक स्टोरी शेअर केली आहे. या स्टोरीमध्ये तिने आपल्या स्मार्ट वॉचवर आलेल्या अलर्टचा फोटो शेअर केला आहे. या अलर्ट मेसेजमध्ये असे लिहिले होते की, स्टेडियममध्ये एवढा गोंगाट आहे की जर कोणी येथे १० मिनिटे थांबला, तर तो बहिरा होऊ शकतो. अलर्ट मेसेजमध्ये हा आवाज ९५ डेसिबल इतका असल्याचे म्हटले होते; जो आरोग्याच्या दृष्टीने अत्यंत धोकादायक मानला जातो.
VIDEO : पृथ्वी शॉच्या गर्लफ्रेंडवर शुबमन गिलचा डोळा? नेटिझन्स म्हणाले, “ओहह भावा…”
लखनौविरुद्धच्या या सामन्यात धोनी केवळ नऊ चेंडू खेळला; ज्यामध्ये त्याने ३११ च्या स्ट्राइक रेटने २८ धावा केल्या. या खेळीत त्याने तीन चौकार व दोन षटकारही मारले. धोनीच्या या वेगवान खेळीमुळे लखनौचा संघ निर्धारित २० षटकांच्या सामन्यात १७६ धावा करू शकला. धोनीशिवाय रवींद्र जडेजाने सीएसकेकडून नाबाद ५७ धावांची खेळी केली. सीएसके विरुद्धच्या सामन्यात लखनौने आठ विकेट्स राखून सामना जिंकला. लखनौकडून केएल राहुलने ८२ आणि क्विंटन डीकॉकने ५४ धावांचे योगदान दिले.