IPL 2024 CSK vs MI: चेन्नईचा मुंबईवर २० धावांनी दणदणीत विजय, रोहित शर्माची शतकी खेळी ठरली व्यर्थ

चेन्नई सुपर किंग्जने रोमांचक सामन्यात मुंबई इंडियन्सचा २० धावांनी पराभव केला. रोहित शर्माने दमदार फलंदाजी करत शतक झळकावले. तरी तो संघाला विजय मिळवून देऊ शकला नाही. प्रथम फलंदाजी करताना चेन्नईने २०६ धावा केल्या होत्या. प्रत्युत्तरात मुंबई संघ २० षटकांत ६ गडी गमावून केवळ १८६ धावा करू शकला.

रोहित शर्माने चौकारांसह शतक पूर्ण केले. तो ६१ चेंडूत १०० धावा केल्यानंतर खेळत आहे. मुंबईला विजयासाठी २९ धावांची गरज आहे.

मुस्तफिजूरच्या १७व्या षटकातील तिसऱ्या चेंडूवर डेव्हिड बाद झाला तर पाथिरानाने भेदक गोलंदाजी करत विस्फोटक शेफर्डला क्लीन बोल्ड केले.मुंबईला विजयासाठी १२ चेंडूत ४७ धावांची गरज आहे.

तिलक वर्माच्या विकेटनंतर हार्दिक पंड्या मैदानात आला आहे. रोहित हार्दिकच्या जोडीने ३ बाद १३२ धावा केल्या आहेत. रोहित ७७ धावा तर हार्दिक १ धावा करत मैदानात आहे.

रोहित शर्मासोबत ५० अधिक धावांची भागीदारी रचत संघाचा डाव पुढे नेणारा तिलक वर्मा झेलबाद. पाथिरानाच्या १४व्या षटकातील पाचव्या चेंडूवर मोठा फटका खेळताना शार्दुल ठाकूरकडून झेलबाद झाला. मागे धावत जात शार्दुलने एक शानदार झेल टिपला. मुंबईची धावसंख्या सध्या ३ बाद १३० धावा केल्या.

रोहित शर्माने टी-२० क्रिकेटमध्ये आतापर्यंत ५०१ षटकार लगावले आहेत. टी-२० मध्ये ५०० षटकार लगावणारा रोहित शर्मा हा पहिला भारतीय फलंदाज ठरला आहे. त्याच्या आधी वेस्ट इंडिडच्या फलंदाजांनी ही कामगिरी केली आहे.

रोहित शर्माच्या शानदार अर्धशतकांसह आणि तिलक वर्माच्या फटकेबाजीसह मुंबईने १०० धावांचा पल्ला गाठला. ११ षटकांनंतर मुंबईची धावसंख्या २ बाद १०८ धावा आहे. रोहित ६६ तर तिलक वर्मा १९ धावांवर खेळत आहे.

मुंबई इंडियन्सचा सलामीवीर रोहित शर्माने विस्फोटक अंदाजात फलंदाजी करत ३० चेंडूत अर्धशतक झळकावले आहे. रोहितने २ षटकार आणि ७ चौकारांच्या साथीने ५० धावा पूर्ण केल्या.

पाथिरानाच्या तिसऱ्या चेंडूवर सूर्या मोठा फटका खेळायला गेला आणि बाऊंड्री लाईनजवळ झेलबाद झाला. मुस्तफिजूर रहमानचा तोला गेला असला तरी त्याने झेल मात्र सावधगिरीने टिपला.

आठव्या षटकाच्या पहिल्याच चेंडूवर मैदानात सेट झालेला इशान किशन फटका खेळण्याच्या प्रयत्नात बाद झाला. बाद होण्यापूर्वी इशानने १५ चेंडूत १ षटकार आणि ३ चौकारांच्या मदतीने २३ धावा केल्या.

रोहित आणि इशान किशनच्या फटकेबाजीच्या जोरावर एकही विकेट न गमावता ६३ धावा केल्या. रोहित शर्माने २५ चेंडूत ४२ धावा तर इशान किशन ११ चेंडूत २१ धावा करत मैदानात कायम आहे.

५ षटकांनंतर मुंबईची धावसंख्या बिनबाद ५३ धावा आहे. ५ षटकांतच मुंबईने ५० धावांचा टप्पा गाठला आहे. रोहित आणि इशानने चेन्नईच्या प्रत्येक गोलंदाजाची शाळा घेतली.

रोहित शर्मा आणि इशान किशन मुंबईच्या डावाची सुरूवात करत आहेत. रोहितने पहिल्या दोन्ही षटकांमध्ये चौकार लगावले असून मुंबईने आतापर्यंत १३ धावा केल्या आहेत.

चेन्नईने मुंबईला विजयासाठी २०७ धावांचे आव्हान दिले आहे. धोनीने अखेरच्या षटकात षटकारांची हॅट्रिक लगावत संघाची धावसंख्या २०६ वर नेऊन ठेवली. डॅरिल मिचेल बाद झाल्यानंतर तिसऱ्या चेंडूवर आलेल्या धोनीने ४ चेंडूत २० धावा करत एक विस्फोटक खेळी केली.

शिवम दुबेच्या ६६ धावांच्या फटकेबाजीनंतर धोनीने तुफानी खेळी केली आणि धावांसाठी झगडत असलेल्या संघाला जणू धावांची संजीवनी दिली. चेन्नईची सुरूवात चांगली झाली नसली तरी ऋतुराजच्या ६९ धावांच्या खेळीने आणि नंतर शिवम दुबेच्या ६६ धावांच्या खेळीने संघाने झटपट धावा केल्या. डॅरिल मिचेलने १७ धावा करत बाद झाला. त्यानंतर धोनीने मैदानावर येत आपली जादू दाखवली. मुंबईकडून हार्दिक पंड्याने दोन विकेट्स घेतले पण सर्वाधिक धावा त्यानेच दिल्या.३ षटकांत त्याने ४३ धावा दिल्या.

ऋतुराजच्या विकेटनंतर चेन्नईच्या धावांना ब्रेक लागला आहे. ऋतुराज बाद झाल्यानंतर संघाची धावसंख्या १६ षटकांनंतर १५१ धावा होती. तर १८व्या षटकांनंतर संघाने केवळ १७३ धावा केल्या आहेत.

हार्दिक पंड्याच्या १६व्या षटकातील दुसऱ्या चेंडूवर नबीकडून झेलबाद झाला. ऋतुराजने बाद होण्यापूर्वी ४० चेंडूत ५ षटकार आणि ५ चौकारांसह ६९ धावा करत एक शानदार खेळी केली.

शिवम दुबेने तुफानी फलंदाजी करत २८ चेंडूत २ षटकार आणि ७ चौकारांच्या मदतीने ५० धावा केल्या. दुबेने या सामन्यातही आपली लय कायम राखत शानदार खेळी करत आहे. १६ व्या षटकानंतर चेन्नईची धावसंख्या ३ बाद १५१ धावा आहे.

१४ व्या षटकात दुबे आणि ऋतुराजने रोमारियो शेफर्डची धुलाई करत २२ धावा कुटल्या. दुबेने दुसऱ्या तिसऱ्या चेंडूवर दणदणीत षटकार लगावले, पुढच्या चेंडूवर चौकार लगावला. तर एक डॉट बॉलनंतर गायकवाडने चौकार लगावत षटकांची सांगता केली.

ऋतुराज तिसऱ्या क्रमांकावर फलंदाजीला येत त्याने ३२ चेंडूत ५२ धावा करत शानदार अर्धशतक झळकावले. यासह १३ षटकांनंतर २ बाद ११० धावा इतकी धावसंख्या आहे.

चेन्नई सुपर किंग्सची धावसंख्या १२ षटकांनंतर १०० पार गेली आहे. ऋतुराज आणि शिवम दुबे संधी मिळताच शानदार फटकेबाजी करत आहेत. ऋतुराज ४६ धावा तर शिवम दुबे २७ धावांवर खेळत आहेत.

१०व्या षटकात हार्दिक पंड्याची शिवम दुबेने ३ चौकार मारत धुलाई केली. ऋतुराज आणि शिवम दुबेने १० षटकांनंतर चेन्नईची धावसंख्या २ बाद ८० धावा केली आहे. ऋतुराज ३६ धावा तर शिवम दुबे १५ धावांसह क्रिझवर आहेत.

फिरकीपटू श्रेयस गोपालच्या गोलंदाजीवर रचिन रवींद्र इशान किशनकरवी झेलबाद झाला. गोपालच्या आठव्या षटकातील चौथ्या चेंडूवर रचिनने दणदणीत षटकार खेचला. पाचव्या चेंडूवरही रचिनच्या बॅटची हलकी कड घेत चेंडू इशानच्या हातात गेला. फक्त इशानने रचिन झेलबाद झाल्याचे अपील केले पण पंचांनी बाद दिले नाही.

पण इशानने आवाज ऐकल्याने तो बाद असल्याचे सतत अपील केले, ज्यामुळे कर्णधाराने रिव्ह्यू घेतला आणि डीआरएसमध्ये बॅटला चेंडू लागल्याने रचिनला बाद दिले. मुंबईच्या खेळाडूंनी इशानचे कौतुक केले. रचिन १६ चेंडूत २१ धावा करत बाद झाला.

चेन्नईने पॉवरप्लेमध्ये १ बाद ४८ धावा केल्या आहेत. ऋतुराज २९ धावा तर रचिन १२ धावांसह मैदानात कायम आहेत. मोहम्मद नबी, गेराल्ड कोएत्झी, जसप्रीत बुमराह आणि आकाश मढवाल यांनी गोलंदाजी केली. कोएत्झीला रहाणेच्या रूपात १ विकेट घेण्यात यश मिळाले.

चेन्नईकडून ऋतुराज-रचिनची जोडी मैदानात आहे. मुंबई इंडियन्सने पॉवरप्लेमध्ये आपली पकड मजबूत ठेवली आहे. ४ षटकांनंतर चेन्नईची धावसंख्या १ बाद २४ आहे.

ऋतुराजऐवजी सलामीला आलेला अजिंक्य रहाणे दुसऱ्याच षटकात झेलबाद झाला. गेराल्ड कोएत्झीच्या दुसऱ्या षटकातील चौथ्या चेंडूवर मोठा फटका खेळण्याच्या नादात पंड्याकडून आऊट झाला. रहाणेने बाद होण्यापूर्वी ८ चेंडूत ५ धावा केल्या.

चेन्नई सुपर किंग्सचा संघ नाणेफेक गमावून प्रथम फलंदाजीला उतरला आहे. चेन्नईकडून नेहमी ऋतुराज गायकवाड सलामीला उतरतो. पण आजच्या वानखेडेवरील सामन्यात ऋतुराजऐवजी अजिंक्य रहाणे सलामीला उतरला आहे. अजिंक्यने पहिल्याच षटकात चांगलाच चौकार लगावला. पहिल्या षटकानंतर चेन्नईची धावसंख्या ६ धावा आहे.

चेन्नई सुपर किंग्सचा माजी कर्णधार आणि विस्फोटक फलंदाज एम एस धोनी सीएसकेसाठी आपला २५० वा सामना आज खेळत आहे.

रचिन रवींद्र, ऋतुराज गायकवाड (कर्णधार), अजिंक्य रहोणे, डॅरिल मिचेल, शिवम दुबे, रवींद्र जडेजा, समीर रिझवी, एमएस धोनी (विकेटकीपर), शार्दुल ठाकूर, मुस्तफिजूर रहमान, तुषार देशपांडे

इम्पॅक्ट सब्स्टीट्यूट – मथीशा पाथीराना, निशांत सिंधू, मिचेल सँटनर, मोईन अली, शेख रशीद

रोहित शर्मा, इशान किशन(विकेटकीपर), तिलक वर्मा, हार्दिक पंड्या (कर्णधार), टीम डेव्हिड, मोहम्मद नबी, रोमारियो शेफर्ड, श्रेयस गोपाल, गेराल्ड कोएत्झी, जसप्रीत बुमराह, आकाश मधवाल

इम्पॅक्ट सब्स्टीट्यूट – सूर्यकुमार यादव, डेवाल्ड ब्रेविस, नमन धीर, नेहल वढेरा, हार्विक देसाई

मुंबई इंडियन्स वि चेन्नई सुपर किंग्सविरूद्धच्या सामन्यात मुंबई संघाने नाणेफेक जिंकत प्रथम गोलंदाजी करण्याचा निर्णय घेतला आहे. मुंबईच्या संघात एकही बदल झालेला नाही, गेल्या सामन्यातील सारख्याच प्लेईंग इलेव्हनसह खेळणार आहे. तर चेन्नईच्या संघात मथीशा पथिराना महिश तीक्ष्णाच्या जागी प्लेईंग इलेव्हनमध्ये परतला आहे.