GT vs MI Highlights, IPL 2024 : आयपीएल २०२४ च्या पाचव्या सामन्यात गुजरात टायटन्सने आश्चर्यकारक कामगिरी केली. मुंबई इंडियन्सविरुद्धच्या सामन्यात गुजरातने हातातून गेलेला सामना जिंकला. प्रथम खेळताना गुजरातने २० षटकांत १६८ धावा केल्या होत्या. प्रत्युत्तरात मुंबईने १३ षटकांत २ गडी गमावून १०७ धावा केल्या होत्या. मुंबई हा सामना सहज जिंकेल असे वाटत होते, मात्र गुजरातच्या गोलंदाजांनी आपल्या करिष्माई गोलंदाजीने सामना फिरवला. मुंबईचा संघ केवळ ९बाद १६२ धावाच करू शकला.