RR vs RCB Highlights, IPL 2024 Eliminator : ट्रॉफी जिंकण्याचं आरसीबीच्या पुरुष संघाचं स्वप्न यंदाही भंगलं, राजस्थान विजयासह क्वालिफायर-२ मध्ये दाखल

आयपीएलच्या सुरुवातीपासून विराट कोहली रॉयल चॅलेंजर्स बंगळुरूकडून खेळत आहे. कोहलीने अनेक वर्षे संघाचे नेतृत्वही केले आहे. आयपीएलच्या इतिहासात कोहलीने आतापर्यंत २५१ सामन्यांच्या २४३ डावांमध्ये ७९७१ धावा केल्या आहेत. सध्या कोहली आयपीएलमध्ये सर्वाधिक धावा करणारा फलंदाज आहे. कोहली आता त्याच्या आठ हजार आयपीएल धावा पूर्ण करण्यापासून २९ धावा दूर आहे. एलिमिनेटर सामन्यात कोहलीने राजस्थान रॉयल्सविरुद्ध २९ धावा केल्या, तर तो आयपीएलमध्ये ८ हजार धावा करणारा पहिला फलंदाज ठरेल.आतापर्यंत कोणत्याही फलंदाजाला आयपीएलमध्ये ही कामगिरी करता आलेली नाही.

राखीव दिवशीही हवामान सहकार्य करत नाही असे मानू या, तर पंच किमान ५-५ षटकांचा सामन आयोजित करण्याचा प्रयत्न करतील. हेही शक्य नसेल तर सुपर ओव्हर घेण्यात येईल. मात्र सुपर ओव्हर्सचा पण सामना खेळला गेला नाही, तर कोणता संघ क्वालिफायर खेळणार, हे पॉइंट टेबलवर ठरवले जाईल. गुणतालिकेत दोन्हीपैकी जो संघ अव्वल स्थानावर राहिला होता, तो संघ दुसरा क्वालिफायर खेळण्यासाठी पात्र ठरेल. त्याचबरोबर दुसरा संघ बाहेर पडेल. या नियमामुळे आरसीबीला मोठा फटका बसणार आहे. जर सामना रद्द झाला, तर आरसीबी संघ बाहेर पडेल आणि राजस्थान रॉयल्स पुढच्या फेरीत म्हणजे दुसरा क्वालिफायर सामना खेळेल.

रॉयल चॅलेंजर्स बंगळुरू संघ सलग ६ सामने जिंकून प्लेऑफ्समध्ये पोहोचला आहे. त्याचवेळी राजस्थान रॉयल्सला गेल्या ५ सामन्यांमध्ये एकही विजय मिळवता आलेला नाही. अशा स्थितीत रॉयल चॅलेंजर्स बंगळुरू संघाला एलिमिनेटर सामन्यात आपली विजयाची मालिका कायम राखायची आहे. २०१५ मध्ये, जेव्हा या दोन संघांमध्ये एलिमिनेटर सामना खेळला गेला, तेव्हा हा सामना आरसीबीने एकतर्फी पद्धतीने जिंकला होता. त्या सामन्यात रॉयल चॅलेंजर्स बंगळुरू संघाने प्रथम फलंदाजी करताना ४ गडी गमावून १८० धावा केल्या होत्या. प्रत्युत्तरात राजस्थानचा संघ १०९ धावा करून सर्वबाद झाला होता. अशा स्थितीत राजस्थान रॉयल्सवर यावेळीही दडपण असणार आहे.

राजस्थान रॉयल्स संघाने साखळी फेरीतील १४ पैकी ८ सामने जिंकले आणि ५ सामने गमावले. त्याचवेळी पावसामुळे एक सामना रद्द झाला. राजस्थानने या हंगामाची सुरुवात चांगली केली होती. त्याने पहिल्या ९ सामन्यांपैकी ८ जिंकले होते. मात्र गेल्या ५ सामन्यांमध्ये त्याची कामगिरी अत्यंत खराब राहिली आहे. हे 5 सामने त्याने मे महिन्यातच खेळले आहेत. त्याचवेळी रॉयल चॅलेंजर्स बंगळुरूला मे महिन्यात एकाही पराभवाला सामोरे जावे लागलेले नाही. मे महिन्यात त्याने या मोसमातील ६ सामने खेळले असून सर्व सामने जिंकले आहेत. मात्र, आरसीबीची सुरुवात खूपच खराब झाली. पहिल्या ८ सामन्यांपैकी फक्त १ सामना त्यांनी जिंकला होता.