IPL 2025 CSK vs DC Highlights: दिल्लीचा चेन्नईवर सहज विजय, धोनी-विजयची संथ खेळी ठरली पराभवाला कारणीभूत

१८४ धावांच्या आव्हानात्मक लक्ष्यासमोर खेळताना रचीन रवींद्र आणि ऋतुराज गायकवाड दोघेही तंबूत परतले आहेत. मिचेल स्टार्कने ऋतुराजला बाद केलं.

दिल्लीने डाव संपताच आशुतोष शर्माऐवजी मुकेश कुमारला संघात समाविष्ट केलं.

१५ चेंडूत २० धावांची उपयुक्त खेळी करून समीर रिझवी तंबूत परतला.

२० चेंडूत ३३ धावा करून अभिषेक पोरेलने पॉवरप्ले गाजवला पण रवींद्र जडेजाच्या गोलंदाजीवर थर्डमॅनच्या बाजूने फटका खेळण्याचा त्याचा प्रयत्न फसला.

यंदाच्या हंगामातली पहिलीच लढत खेळणाऱ्या मुकेश चौधरीच्या पहिल्याच षटकात दिल्लीच्या अभिषेक पोरेलने १९ धावा वसूल केल्या.

चेन्नईचा कर्णधार ऋतुराज गायकवाडने दिल्लीविरुद्धच्या लढतीसाठी डेव्हॉन कॉनवेला संघात असल्याचं जाहीर करताच चाहत्यांनी एकच जल्लोष केला. कॉनवे हा चेन्नई संघाचा अविभाज्य घटक आहे. मात्र अंतिम अकरात चारच विदेशी खेळाडू खेळू शकतात. यंदाच्या हंगामात कॉनवेला संघात स्थान मिळालं नव्हतं. रचीन रवींद्र, सॅम करन, नॅथन एलिस, जेमी ओव्हर्टन यांना संधी मिळाली होती. रचीन वगळता बाकी कुणालाही संघातलं स्थान कायम राखता आलं नाही. कॉनवेच्या समावेशाने चेन्नईची फलंदाजी बळकट झाली आहे.