CSK vs MI Highlights : चेन्नईने चेपॉकच्या मैदानावर मुंबई इंडियन्सचा केला पराभव, मुंबईच्या संघानेही दिली अटीतटीची लढत

विल जॅक्सने १५व्या षटकातील पहिल्या चेंडूवर सॅम करनला क्लीन बोल्ड करत संघाला पाचवी विकेट मिळवून दिली.जॅक्सची पहिल्या षटकात धुलाई झाली असली तरी सूर्याने त्याला गोलंदाजी दिली आणि त्याने विकेट मिळवत त्याचा विश्वास खरा ठरवला. यासह चेन्नईने १४ षटकांत ५ बाद ११६ धावा केल्या आहेत आणि चेन्नईला विजयासाठी ३५ चेंडूत ४० धावांची गरज आहे.

विघ्नेश पुथूरला १०वे षटक टाकण्याची जबाबदारी दिली आणि त्याने ४ धावा देत १ विकेट मिळवली. विघ्नेशच्या चौथ्या चेंडूवर शिवम दुबेला आपल्या फिरकीच्या जाळ्यात अडकवत झेलबाद केलं. यासह विघ्नेशने १२ चेंडूत २ विकेट घेत ९ धावा दिल्या आहेत. यासह १० षटकांत चेन्नईने ३ बाद ९६ धावा केल्या आहेत.

ऋतुराज गायकवाडने आयपीएल २०२५ मधील पहिल्याच सामन्यात झंझावाती अर्धशतक झळकावत मुंबई इंडियन्सला बॅकफूटवर टाकलं आहे. तिसऱ्या क्रमांकावर फलंदाजीला आलेल्या ऋतुराजने २२७च्या स्ट्राईक रेटने २२ चेंडूत ६ चौकार आणि ३ षटकारांसह आपले अर्धशतक पूर्ण केले. यासह चेन्नईने ७ षटकांत १ बाद ७४ धावा केल्या आहेत.

दिपक चहरच्या पहिल्याच षटकात त्याने मुंबईला पहिली विकेट मिळवून दिली आहे. चहरच्या दुसऱ्या षटकातील चौथा शॉर्ट बॉल टाकत त्रिपाठी मोठा फटका मारायला बॅट फिरवली पण चेंडू बॅटची कड घेत थेट रिकल्टनच्या हातात गेला. यासह चेन्नईने पहिली विकेट गमावली. यासह २ षटकांत चेन्नईने १ बाद १२ धावा केल्या आहेत.

दीपक चाहरने अखेरच्या षटकांमध्ये उत्कृष्ट फलंदाजी करत संघाला सन्मानजनक धावसंख्येपर्यंत नेले. चहरने अखेरच्या षटकात एक षटकार आणि एक चौकार लगावत मुंबईला १५० धावांचा टप्पा गाठण्यात मोठी भूमिका बजावली. याआधी चहरने १९व्या षटकात खलील अहमदच्या गोलंदाजीवर एक चौकार-षटकार लगावला होता. दिपक चहरने १५ चेंडूत २ चौकार आणि २ षटकारांसह २८ धावा केल्या. यासह मुंबई इंडियन्सने ९ बाद १५५ धावा केल्या आहेत आणि सीएसकेला विजयासाठी १५६ धावांचे लक्ष्य दिले.

मुंबई इंडियन्सच्या संघाने नाणेफेक गमावत प्रथम फलंदाजीसाठी उतरला. मुंबईची सुरूवात खूपच खराब झाली, रोहित शर्मा ३ चेंडू खेळून डकवर बाद झाला. यानंतर रायन रिकल्टन १३ धावा, विल जॅक्स ११ धावा करत बाद झाले. यानंतर सूर्यकुमार यादव आणि तिलक वर्माने संघाचा डाव सावरला. अर्धशतकी भागीदारी करत मुंबई इंडियन्सला १०० धावांपर्यंत नेले.

यानंतर रॉबिन मिंज ३ धावा, नमन धीर १७ धावा, सँटनर ११ धावा करत बाद झाले. तर दिपक चहरने २८ धावांची महत्त्वपूर्ण खेळी केली. सीएसकेकडून नूर अहमदने ४ विकेट्स घेत सामना फिरवला. तर खलील अहमदने मुंबईला सुरूवातीचे विकेट घेत धक्के दिले आणि ३ विकेट्स नावे केले. तर नॅथन एलिस आणि अश्विन यांनी १-१ विकेट घेतली.

नॅथन एलिसच्या १८व्या षटकातील सहाव्या चेंडूवर मिचेल सँटनर पायचीत होत बाद झाला. एलिसने कर्णधाराला रिव्ह्यू घेण्यासाठी राजी केलं. यानंतर रिव्ह्यू पाहत तिसऱ्या पंचांनी त्याला बाद दिलं. यासह मुंबईने १८ षटकांत ८ बाद १२८ धावा केल्या.

नूर अहमदने एका षटकात दोन विकेट घेत मुंबई इंडियन्सला बॅकफूटवर ढकललं आहे. रॉबिन मिंजनंतर मुंबईचा तारणहार तिलक वर्माही पायचीत झाला आणि मुंबईच्या चांगल्या धावसंख्येचं स्वप्नही भंगलं आहे. तिलक वर्मा १३व्या षटकातील नूर अहमदच्या अखेरच्या चेंडूवर पायचीत झाला. चेंडू बॅटला न लागल्याने थेट पॅडवर आदळला आणि तिसऱ्या पंचांनीही रिव्ह्यू घेतल्यानंतर बाद दिलं. यासह मुंबईने १४ षटकांत ५ बाद १०० धावा पूर्ण केल्या आहेत.

मुंबई इंडियन्सने लागोपाठ ३ विकेट्स गमावल्यानंतर सूर्यकुमार यादव आणि तिलक वर्मा यांनी मुंबईचा डाव सावरला. यासह मुंबई इंडियन्सने ८ षटकांत ३ बाद ६६ धावा केल्या आहेत.

मुंबई इंडियन्सला तिसऱ्या षटकात रोहित शर्मानंतर दुसरा धक्का बसला आहे. खलील अहमदने आधी रोहित शर्माला झेलबाद केलं. यानंतर पुढच्या षटकात मुंबईच्या दुसऱ्या सलामीवीरालाही माघारी धाडलं. खलील अहमदच्या तिसऱ्या षटकातील दुसऱ्या चेंडूवर रायन रिकल्टन क्लीन बोल्ड झाला. यासह मुंबईने २.२ षटकांत २ बाद २१ धावा केल्या आहेत.

मुंबई इंडियन्स वि. चेन्नई सुपर किंग्स सामन्याला सुरूवात झाली आहे. मुंबई इंडियन्सकडून रोहित शर्मा आणि रायन रिकल्टनची जोडी मैदानात आहे. तर चेन्नईकडून खलील अहमद गोलंदाजीला सुरूवात करत आहे.

ऋतुराज गायकवाड (कर्णधार), रचिन रवींद्र, दीपक हुडा, शिवम दुबे, रवींद्र जडेजा, सॅम करन, एमएस धोनी (विकेटकिपर), रविचंद्रन अश्विन, नूर अहमद, नॅथन एलिस, खलील अहमद

आयपीएलमध्ये चेन्नई सुपर किंग्स वि. मुंबई इंडियन्सचे संघ ३७ वेळा आमनेसामने आले आहेत. यापैकी १७ सामने चेन्नईने जिंकले आहेत आणि मुंबईने २० सामने जिंकले आहेत. या सामन्यात कोण बाजी मारणार याकडे सर्वांच्या नजरा आहेत.

आयपीएल २०२५ मधील डबल हेडर सामना आज २३ मार्चला खेळवला जात आहे. डबल हेडरमधील पहिला सामना राजस्था रॉयल्स वि. सनरायझर्स हैदराबाद यांच्यात खेळवला जात आहे. यामध्ये हैदराबादने प्रथम फलंदाजी करताना दुसरी सर्वात मोठी धावसंख्या उभारली.

सनरायझर्स हैदराबादचं रौद्ररूप, IPL इतिहासातील दुसरी सर्वात मोठी धावसंख्या; इशान किशनचं झंझावाती शतक

आयपीएल २०२५ मधील पहिल्याच सामन्यात मुंबई इंडियन्स संघाचा कर्णधार खेळताना दिसणार नाही. मुंबई इंडियन्सचे नेतृत्त्व गेल्या वर्षी हार्दिक पंड्याकडे सोपवण्यात आले होते. पण हार्दिक पंड्यावर पहिल्याच सामन्यात बंदी घालण्यात आली. त्यामुळे संघाचे नेतृत्त्व सूर्यकुमार यादवच्या खांद्यावर आहे.

हार्दिक पंड्या (कर्णधार) जसप्रीत बुमराह, सूर्यकुमार यादव, हार्दिक पांड्या, रोहित शर्मा, तिलक वर्मा, ट्रेंट बोल्ट, नमन धीर, रॉबिन मिंज, कर्ण शर्मा , रायन रिकेल्टन, दीपक चहर, अल्लाह गझनफर, विल जॅक्स, अश्वनी कुमार, मिचेल सँटनर, रीस टोपले, कृष्णन श्रीजीथ, राज अंगद बावा, सत्यनारायण राजू, बेव्हॉन जेकब्स, अर्जुन तेंडुलकर, कार्बिन बॉश, विघ्नेश पुथूर