KKR IPL 2025 Full Squad: श्रेयस अय्यरला रिलीज केल्यानंतर कसा असू शकतो केकेआरचा संघ, लिलावात कोणावर लावणार बोली?

कोलकाता नाईट रायडर्सने रिंकू सिंगवर सर्वाधिक १३ कोटी रुपये खर्च केले होते. याशिवाय फ्रँचायझीने वरुण चक्रवर्ती, सुनील नरेन आणि आंद्रे रसेल यांना प्रत्येकी १२ कोटी रुपयांमध्ये कायम ठेवले होते. फ्रँचायझीने हर्षित राणा आणि रमणदीप सिंग यांना प्रत्येकी ४ कोटी रुपयांमध्ये कायम ठेवले होते. अशा स्थितीत केकेआरच्या खिशात ५१ कोटी रुपये शिल्लक आहेत. आयपीएल २०२४ चा विजेता संघ मेगा लिलावात हुशारीने खरेदी करू इच्छितो. संघ व्यंकटेश अय्यर, फिल सॉल्ट, इशान किशन, जोस बटलर आणि अर्शदीप सिंग यांच्यावर मोठी बोली लावू शकतो.

हेही वाचा – IPL 2025 : BCCI कडून आयपीएलच्या पुढील तीन हंगामाचे वेळापत्रक जाहीर? IPL 2025 ‘या’ दिवशी सुरू होणार

कोलकाता नाईट रायडर्स सलामीच्या फलंदाजाच्या शोधात आहे. अशा परिस्थितीत जोस बटलर याची भरपाई करू शकतो. एवढेच नाही तर बटलर हा यष्टिरक्षणासाठीही चांगला पर्याय आहे. त्याने आयपीएलच्या १०७ सामन्यांमध्ये ३५८२ धावा केल्या आहेत. बटलरने गेल्या मोसमात ११ सामन्यात ३५९ धावा केल्या होत्या. बटलरशिवाय ऋषभ पंत, केएल राहुल, श्रेयस अय्यर या खेळाडूंचा पर्याय उपलब्ध आहे.