MI IPL 2025 Full Squad: कोण असणार मुंबई इंडियन्सचे नवे शिलेदार?

आयपीएल २०२५ रिटेन्शनच्या नियमानुसार मुंबई इंडियन्सने पाच खेळाडूंना संघात कायम ठेवले. ज्यामध्ये जसप्रीत बुमराहला १८ कोटी सूर्यकुमार यादव आणि हार्दिक पंड्या यांना प्रत्येकी १६.३५ कोटी रोहित शर्माला १६.३० कोटी आणि तिलक वर्माला ८ कोटी रुपयांसह रिटेन केलं. रिटेन्शननंतर मुंबई संघाकडे १२० कोटींपैकी ५५ कोटींसह लिलावात उतरणार आहे. त्याचबरोबर राईट टू मॅच कार्ड देखील संघाकडे आहे.

हेही वाचा – IPL 2025 Retention: रिटेंशननंतर कोणत्या संघाकडे किती रक्कम शिल्लक? या संघाच्या खात्यात तर तब्बल ११० कोटी

मुंबई इंडियन्सने सर्वाधिक किमतीला घेतलेल्या यष्टीरक्षक फलंदाज ईशान किशनला २०२५ च्या लिलावापूर्वी रिलीज केलं. यानंतर संघाला एका चांगल्या विकेटकीपरची देखील आवश्यकता आहे, याच सोबत मुंबईच्या संघात अनेक चांगले गोलंदाजही होते. अंशुल कम्बोज, आकाश मधवाल, क्वेना मफाका, अर्जुन तेंडुलकर, नुवान तुषारा, दिलशान मधुशंका यापैकी एखाद्या गोलंदाजासाठी मुंबई इंडियन्स राईट टू मॅच कार्ड वापरेल. तर भारतीय संघाची सुरुवातीची फलंदाजी फळी या पाच मुख्य खेळाडूंमध्ये आधीच निश्चित झाली आहे. पण संघाची मधली फळी अधिक मजबूत करण्यासाठी आणि रोहित शर्माच्या जोडीला सलामीवीरासाठी मुंबईचा संघ बोली लावू शकतो. तर यापूर्वी मुंबईच्या ताफ्यात असलेल्या नेहाल वधेरा, विष्णू विनोद, नमन धीर या खेळाडूंसाठी मुंबईचा संघ राईट टू मॅच कार्ड वापरू शकतो.