RR IPL 2025 Full Squad: राजस्थान रॉयल्सचा संघ लिलावासाठी सज्ज, कोणावर लावणार बोली?

कर्णधार संजू सॅमसनशिवाय राजस्थान रॉयल्सने यशस्वी जैस्वालला संघात कायम ठेवले आहे. रियान पराग, ध्रुव जुरेल हेही संघात कायम आहेत. वेस्ट इंडिजचा स्फोटक फलंदाज शिमरॉन हेटमायरलाही कायम ठेवण्यात आले आहे. मोठी बातमी म्हणजे संदीप शर्मालाही कायम ठेवण्यात आले आहे. पैशाबद्दल बोलायचे झाले तर संजू सॅमसन आणि यशस्वी जैस्वाल यांना प्रत्येकी १८ कोटी रुपयांमध्ये कायम ठेवण्यात आले आहे. तर युवा फलंदाज रियान परागला १४ कोटी रुपये देण्यात आले आहेत. यष्टिरक्षक-फलंदाज ध्रुव जुरेललाही १४ कोटींमध्ये कायम ठेवण्यात आले आहे. शिमरॉन हेटमायरला ११ कोटी आणि संदीप शर्माला ४ कोटींमध्ये कायम ठेवण्यात आले आहे.

हेही वाचा – IPL 2025 : BCCI कडून आयपीएलच्या पुढील तीन हंगामाचे वेळापत्रक जाहीर? IPL 2025 ‘या’ दिवशी सुरू होणार

राजस्थान संघाने आपला सर्वात मोठा मॅचविनर जोस बटलरलाही बाहेरचा रस्ता दाखवला. बटलरचा फॉर्म आणि फिटनेस पूर्वीसारखा नाही त्यामुळे राजस्थानने हा निर्णय घेतला. संघाने ट्रेंट बोल्टलाही संघाबाहेर ठेवले आहे, हा कठीण निर्णय आहे. आता प्रश्न असा आहे की संघ कोणत्या खेळाडूंवर लिलावात बाजी मारणार आहे. कारण या संघाकडे आता आरटीएम देखील शिल्लक नाही. अशात राजस्थान संघाकडे लिलावातील खेळाडू खरेदी करण्यासाठी फक्त ४१ कोटी शिल्लक आहेत.