IPL 2025 Sunrisers Hyderabad Full Squad and Sold Players List: पॅट कमिन्सच्या नेतृत्वात आक्रमक पवित्र्यासह खेळणाऱ्या सनरायझर्स हैदराबादने लिलावात चांगल्या खेळाडूंची निवड करत उत्तम संघ उभारला. युवा विकेटकीपर फलंदाज इशान किशनला हैदराबादने संघात घेतलं. दुसरीकडे त्यांनी अनुभवी मोहम्मद शमीला ताफ्यात घेतलं. शमीला साहाय्य करण्यासाठी हर्षल पटेलला समाविष्ट केलं. अभिनव मनोहरला घेण्यासाठी हैदराबाद संघव्यवस्थापन आतूर होतं. चुरशीच्या मुकाबल्यात हैदराबादने बाजी मारली. राहुल चहर या हुशार फिरकीपटूला त्यांनी आपल्याकडे वळवलं. आता संपूर्ण संघा कसा आहे? जाणून घेऊया.
सनरायझर्स हैदराबाद संघाने आयपीएल २०२४ मध्ये आयपीएलच्या इतिहासातील सर्वात मोठी धावसंख्या उभारत सर्वांचे लक्ष वेधून घेतलं. २०२४ मध्ये कर्णधार पॅट कमिन्सच्या नेतृत्वाखाली सनरायझर्स हैदराबादने आक्रमक पवित्राने खेळत उत्कृष्ट कामगिरी केली. ट्रॅव्हिस हेड, हेनरिक क्लासेन आणि अभिषेक शर्मा यांनी तर अक्षरशः गोलंदाजांची बेदम धुलाई केली. हैदराबाद संघानेही आयपीएल २०२५ च्या लिलावापूर्वी याच ५ खेळाडूंना रिटेन केलं होतं. जागतिक क्रिकेटमधील तीन विस्फोटक फलंदाज आणि एक उत्कृष्ट वेगवान गोलंदाज असताना आता हैदराबादचा संघ मधली फळी अधिक मजबूत करण्यासाठी लिलावात बोली लावली.
हेही वाचा – IPL Auction 2025: १२ खेळाडूंवर संघांनी खर्च केले १८०.५० कोटी; शमी, सिराज, राहुलवर किती लागली बोली?
सनराइजर्स हैदराबाद संघाने रिटेन केलेल्या खेळाडूंमध्ये हेनरिक क्लासेनला आयपीएल २०२५च्या रिटेन्शनमधील २३ कोटी ही सर्वात मोठी रक्कम दिली. तर पॅट कमिन्सला १८ कोटी, ट्रॅव्हिस हेडला १४ कोटी, अभिषेक शर्माला १४ कोटी आणि नितेश कुमार रेड्डीला ६ कोटी देत संघाने कायम ठेवलं. रिटेंन्शननंतर हैदराबाद संघाकडे १२० कोटींपैकी ४५ कोटी इतकी रक्कम शिल्लक होती.
हेही वाचा – IPL 2025 Retention: रिटेंशननंतर कोणत्या संघाकडे किती रक्कम शिल्लक? या संघाच्या खात्यात तर तब्बल ११० कोटी
आयपीएल २०२५ चा सनराइजर्स हैदराबाद संघ :
पॅट कमिन्स, अभिषेक शर्मा, नितीश रेड्डी, हेनरिक क्लासेन, ट्रॅव्हिस हेड, मोहम्मद शमी, हर्षल पटेल, इशान किशन, राहुल चहर, ॲडम झाम्पा, अथर्व तायडे, अभिनव मनोहर, सिमरजीत सिंग, झीशान अन्सारी, जयदेव उनाडकट, ब्रायडन कार्स, कामिंदू मेंडिस, अनिकेत वर्मा, एशान मलिंगा, सचिन बेबी, कामिन्दु मेंडिस,
© IE Online Media Services (P) Ltd