RCB vs PBKS Highlights: नेहल वढेराने पंजाबला तारलं; बंगळुरूवर ५ विकेट्सनी विजय

९५ धावांचा पाठलाग करताना नेहल वढेराच्या नाबाद ३३ धावांच्या खेळीच्या बळावर पंजाबने बंगळुरूवर ५ विकेट्सनी विजय मिळवला.

छोटेखानी लक्ष्याचा पाठलाग करताना पंजाबचीही घसरगुंडी उडाली आहे. श्रेयस अय्यर आणि जोश इंगलिस तंबूत परतले आहेत.

छोट्या लक्ष्याचा पाठलाग करताना पंजाबने प्रभसिमरन सिंग आणि प्रियांश आर्य या सलामीवीरांना गमावलं आहे.

सहकारी एकामागोमाग एक बाद होत असताना टीम डेव्हिडने आरसीबीची इभ्रत राखली. आरसीबीने १४ षटकात ९५ धावा केल्या. यापैकी डेव्हिडने ५० धावा केल्या. डेव्हिडने ५ चौकार आणि ३ षटकारांसह २६ चेंडूत नाबाद ५० धावांची खेळी साकारली.

आरसीबीने अष्टपैलू लायम लिव्हिंगस्टोनऐवजी मनोज भडागेला इम्पॅक्ट प्लेयर म्हणून संघात घेतलं आहे.

पावसामुळे बंगळुरूची लय पूर्णत: बिघडली आहे. आरसीबीचा कर्णधार रजत पाटीदारही मोठी खेळी करू शकला नाही. त्याने २३ धावा केल्या.

१४ षटकांच्या छोटेखानी लढतीत आरसीबीने ५ विकेट्स गमावल्या आहेत. विराट कोहली, फिल सॉल्ट या सलामीवीरांसह लायम लिव्हिंगस्टोन, जितेश शर्मा आणि कृणाल पंड्या असे पाच शिलेदार तंबूत परतले आहेत.

फिरकीपटू युझवेंद्र चहलने आरसीबीचा विकेटकीपर फलंदाज जितेश शर्माला बाद केलं.

झेव्हियर बार्टलेटने लायम लिव्हिंगस्टोनला बाद केलं. त्याने ४ धावा केल्या.

१४ षटकांच्या सामन्यात आक्रमक पवित्रा स्वीकारलेल्या विराट कोहलीला अर्शदीप सिंगने बाद केलं. डाऊन द ट्रॅक येत विराटने जोरदार चेंडू मारला. मिडऑनवर क्षेत्ररक्षण करणाऱ्या मार्को यान्सनने मागे धावत जात सुरेख झेल टिपला.

अर्शदीप सिंगने पहिल्याच षटकात आरसीबीचा सलामीवीर फिल सॉल्टला तंबूत परतावलं. विकेटकीपर जोश इंगलिसने अतिशय उत्तम झेल टिपला.

पंजाबने अंतिम अकरात अष्टपैलू मार्कस स्टॉइनसला संधी दिली आहे. अनेक वर्ष आरसीबीचा भाग असलेल्या ग्लेन मॅक्सवेलला अंतिम अकरातून वगळण्यात आलं आहे. मात्र इम्पॅक्ट प्लेयरच्या यादीत मॅक्सवेलचा समावेश आहे. हरप्रीत ब्रारलाही संधी देण्यात आली आहे.

पंजाब किंग्जचा कर्णधार श्रेयस अय्यरने टॉस जिंकून बॉलिंगचा निर्णय घेतला आहे. पावसामुळे सव्वा दोन तास उशिरा होणारा हा सामना प्रत्येकी १४ ओव्हरचा असणार आहे. पॉवरप्ले ४ ओव्हरचा असेल.

बंगळुरूत पाऊस थांबल्यामुळे सामना सुरू होण्याची चिन्हं आहेत. बंगळुरूच्या चिन्नास्वामी स्टेडियमवर उत्तम अशी ड्रेनेज व्यवस्था असल्याने पाण्याचा पटकन निचरा होतो. सामन्याचा जवळपास दोन तास वेळ वाया गेल्याने हा सामना कमी षटकांचा असेल. पंच, सामनाधिकाऱ्यांनी मैदानाची पाहणी केली.

गुणतालिकेत आरसीबी तिसऱ्या स्थानी आहे. ६ सामन्यांपैकी त्यांनी ४ जिंकलेत आणि दोनमध्ये त्यांचा पराभव झाला आहे. पंजाब किंग्ज चौथ्या स्थानी असून, ६ सामन्यात त्यांनीही ४ सामने जिंकले आहेत आणि दोनमध्ये पराभूत झाले आहेत. मात्र आरसीबीच्या तुलनेत त्यांना नेट रनरेट कमी आहे.

बंगळुरूत पावसाचा जोर कायम राहिल्याने सामना सुरू होऊ शकलेला नाही. पाऊस असल्यामुळे टॉसही झालेला नाही.

१७ वर्षांपूर्वी याच दिवशी म्हणजे १८ एप्रिल २००८ रोजी आयपीएल स्पर्धेची सुरुवात झाली होती. सलामीच्या लढतीत कोलकाता नाईट रायडर्सकडून खेळणाऱ्या ब्रेंडन मॅक्युलमने नाबाद १५८ धावांची अविश्सनीय खेळी साकारली होती. कोलकाता संघाने रॉयल चॅलेंजर्स बंगळुरू संघावर मोठा विजय मिळवला होता. जाणून घ्या त्या दिवशी काय काय घडलं होतं?

बंगळुरूत पाऊस पडत असल्याने टॉस नियोजित वेळी होऊ शकलेला नाही.

युझवेंद्र चहल आणि ग्लेन मॅक्सवेल अनेक वर्ष रॉयल चॅलेंजर्स बंगळुरू संघाचा भाग होते. मात्र आता ते पंजाब किंग्ज संघाचा भाग आहेत. बंगळुरूतल्या चिन्नास्वामी स्टेडियमची दोघांनाही माहिती आहे. हे दोघं आरसीबीची डोकेदुखी ठरू शकतात.

पंजाब किंग्ज- शशांक सिंग, प्रभसिमरन सिंग, अर्शदीप सिंग, श्रेयस अय्यर (कर्णधार), युझवेंद्र चहल, मार्कस स्टॉयनिस, ग्लेन मॅक्सवेल, नेहाल वढेरा , हरप्रीत ब्रार, विष्णू विनोद, विजयकुमार विशाक, यश ठाकूर, मार्को यान्सन, जोश इंग्लिस, लॉकी फर्ग्युसन, अजमतुल्ला उमरझाई, हरनूर पन्नू , कुलदीप सेन, प्रियांश आर्य, ऍरॉन हार्डी, मुशीर खान, सूर्यांश शेडगे, झेवियर बार्टलेट, प्याला अविनाश, प्रवीण दुबे.

रॉयल चॅलेंजर्स बेंगळुरू – फिलिप सॉल्ट, विराट कोहली, देवदत्त पडिक्कल , रजत पाटीदार (कर्णधार), लियम लिव्हिंगस्टन, जितेश शर्मा (विकेटकीपर), टिम डेव्हिड, क्रुणाल पंड्या, भुवनेश्वर कुमार, जोश हेजलवूड, यश दयाल, सुयश शर्मा, रसिक दार सलाम, मनोज सिंह, मनोजभनंद भांडगे, जॅकब बेथेल, स्वप्निल सिंह, अभिनंदन सिंह, रोमारियो शेपर्ड, लुंगी न्गिदी, नुआन थुसारा, मोहित राठी, स्वास्तिक चिकारा.