IPL 2025 RR vs GT Highlights: १४ वर्षीय वैभव गुजरातवर भारी पडला! राजस्थानचा दणदणीत विजय

या सामन्यात वैभव सूर्यवंशीच्या शानदार शतकी खेळीच्या बळावर राजस्थान रॉयल्सने हा सामना १५ षटकात जिंकला आहे. हा सामना ८ गडी राखून जिंकत राजस्थानने आपलं संघातील आव्हान कायम ठेवलं आहे.

अवघ्या १४ वर्षांच्या पोराने गुजरातच्या अनुभवी गोलंदाजांची झोप उडवली आहे. राजस्थानने १० षटकांच्या आत १३० धावांचा पल्ला गाठला आहे.

या सामन्यात फलंदाजी करताना वैभव सूर्यवंशीची बॅट चांगलीच तळपली. वैभव हा या हंगामातील सर्वात वेगवान अर्धशतक झळकावणारा फलंदाज ठरला आहे. त्याने अवघ्या १७ चेंडूत अर्धशतक पूर्ण केलं आहे.

राजस्थानला हा सामना जिंकण्यासाठी २१० धावांची गरज आहे. या धावांचा पाठलाग करण्यासाठी आलेल्या यशस्वी जयस्वाल आणि वैभव सूर्यवंशीने मिळून ४ षटकात ६० धावा कुटल्या आहेत.

या सामन्यात गुजरात टायटन्सचा संघ प्रथम फलंदाजी करण्यासाठी मैदानात आला. प्रथम फलंदाजी करताना गुजरातने २०९ धावा केल्या आहेत. गुजरातकडून शुभमन गिलने ८४ धावांची खेळी केली. साई सुदर्शनने ३९ धावा केल्या. तर बटलरने अर्धशतकी खेळी केली.

गुजरातला तिसरा धक्का बसला आहे. वॉशिंग्टन सुंदर १३ धावांवर बाद होऊन माघारी परतला आहे.

गुजरात टायटन्सला दुसरा मोठा धक्का बसला आहे. संघाचा कर्णधार शुबमन गिल ८४ धावांवर माघारी परतला आहे.

साई सुदर्शन बाद झाल्यानंतर शुबमन गिल आणि जोस बटलरने मिळून राजस्थानच्या गोलंदाजांचा चांगलाच समाचार घेतला आहे. गुजरातने १५ व्या षटकात १५० धावांचा पल्ला गाठला आहे.

या सामन्यातही गुजरात टायटन्सने दमदार सुरूवात केली आहे. सलामीला आलेल्या शुभमन गिलने अर्धशतकी खेळी केली. तर साई सुदर्शन ३९ धावांवर माघारी परतला. गुजरातने १२ व्या षटकात १०० धावांचा पल्ला गाठला आहे.

गुजरातला पहिला मोठा धक्का बसला आहे. सलामीवीर फलंदाज साई सुदर्शन ३९ धावांवर बाद होऊन माघारी परतला आहे.

गिलने गुजरात टायटन्सला दमदार सुरूवात करून दिली आहे. गिलने या डावात फलंदाजी करताना २९ चेंडूत आपलं अर्धशतक पूर्ण केलं आहे.

पावरप्लेच्या षटकांमध्ये गुजरात टायटन्सची जोडी खंबीरपणे उभी राहिली. शुबमन गिल आणि साई सुदर्शन यांनी मिळून पावरप्लेमध्ये ५० धावांचा आकडा घातला आहे.

राजस्थान रॉयल्स (Playing XI): यशस्वी जैस्वाल, वैभव सूर्यवंशी, नितीश राणा, रियान पराग (कर्णधार), ध्रुव जुरेल (यष्टीरक्षक), शिमरोन हेतमायर, वानिंदु हसरंगा, जोफ्रा आर्चर, महेश थीक्षाना, संदीप शर्मा, युध्वीर सिंह चरक

गुजरात टायटन्स (Playing XI): साई सुधर्शन, शुभमन गिल (कर्णधार), जोस बटलर (यष्टीरक्षक), वॉशिंग्टन सुंदर, शाहरुख खान, राहुल तेवतिया, करीम जनत, राशिद खान, रविश्रीनिवासन साई किशोर, मोहम्मद सिराज, प्रसिद्ध कृष्णा

या सामन्यात राजस्थान रॉयल्सने नाणेफेक जिंकत प्रथम गोलंदाजीचा निर्णय घेतला आहे.

गुजरातचा संघ या हंगामात चांगल्याच फॉर्ममध्ये आहे. तर दुसरीकडे राजस्थान रॉयल्सला अजूनही सूर गवसलेला नाही. या दोन्ही संघांचा हेड टू हेड रेकॉर्ड पाहिला, तर दोन्ही संघ आतापर्यंत ७ वेळेस आमनेसामने आले आहेत. यादरम्यान गुजरातने ६ सामने जिंकले आहेत. तर राजस्थानला केवळ १ सामना जिंकता आला आहे.