एक खेळाडू, तीन संघ आणि आयपीएलचं विजेतेपद, फिरकीपटू कर्ण शर्माचं हे अनोखं आयपीएल कनेक्शन माहिती आहे का?

कर्ण शर्माने कालच्या सामन्यात आपल्या आयपीएल विजेतेपदाची हॅटट्रिक साजरी केली आहे. २०१६ साली हैदराबाद, २०१७ साली मुंबई आणि २०१८ साली चेन्नई या आयपीएल विजेत्या संघात कर्ण शर्माने महत्वाची भूमिका बजावली होती. त्यामुळे आयपीएलची ट्रॉफी जिंकायची असल्यासं कर्ण शर्माला आपल्या संघात घ्या अशा प्रकारचे विनोद सोशल मीडियावर रंगताना दिसली.

कर्णधार महेंद्रसिंह धोनीने अंतिम सामन्यात हरभजन सिंहसारख्या महत्वाच्या गोलंदाजाला बसवून कर्ण शर्माला संघात जागा दिली. कर्ण शर्मानेही आपल्या कर्णधाराचा विश्वास सार्थ ठरवत कर्णधार केन विल्यमसनचा महत्वाचा बळी घेतला. दोन वर्षांनी पुनरागमन करुन आयपीएलचं विजेतेपद जिंकल्यामुळे सध्या चेन्नईच्या संघाचे चाहते भलतेच खुश आहेत. त्यामुळे अकराव्या हंगामात आता कर्ण शर्मा चेन्नईच्या संघाता हिस्सा राहतो का हे पाहणं महत्वाचं ठरणार आहे.