IPL 2018 – सनराईजर्स हैदराबादला मोठा धक्का, महत्वाचा खेळाडू दुखापतीमुळे स्पर्धेबाहेर

वानखेडे मैदानावर मुंबई इंडियन्सविरुद्धचा सामना जिंकल्यानंतर सनराईजर्स हैदराबाद संघाला मोठा धक्का बसला आहे. ऑस्ट्रेलियाचा जलदगती गोलंदाज बिली स्टॅनलेक बोटाला झालेल्या दुखापतीमुळे स्पर्धेबाहेर गेला आहे. चेन्नई सुपरकिंग्ज विरुद्धच्या सामन्यात बिलीच्या बोटाला दुखापत झालेली होती. यानंतर संघ व्यवस्थापनाने त्याला विश्रांतीही दिली. मात्र त्याची दुखापत बरी होत नसल्यामुळे अखेर बिलीने आयपीएलमधून माघार घेण्याचा निर्णय घेतला आहे. आपल्या ट्विटर अकाऊंटवरुन हैदराबादच्या संघ व्यवस्थापनाने या निर्णयाची माहिती दिली आहे.