Video – IPL 2018 धोनीचा कानमंत्र, ‘माझ्यासारखा लांब सिक्स मारायचा असेल तर हे करा…’

एका कार्यक्रमात चेन्नई संघातील काही खेळाडू मंचावर बसून चाहत्यांशी दिलखुलास संवाद साधत होते. त्यावेळी एका चाहत्या प्रेक्षकाने हा बहुचर्चित प्रश्न धोनीला विचारलाच. धोनीनेदेखील आपल्या खास शैलीत त्या प्रश्नाचं अफलातून उत्तर दिलं.

चाहत्याने धोनीला विचारले की तू एवढे लांब आणि उंच फटके कसे काय मारतोस? त्यावर धोनीने या मागचे गुपित सांगितले आणि असे उत्तुंग षटकार कसे मारावेत हेदेखील संगीतले. तो म्हणाला, ‘डोळे बंद करा, बॅट उचला, देवाचं नाव घ्या आणि मारा षटकार …’ धोनीच्या या मिश्किल उत्तराने कार्यक्रमात हशा एकच पिकला आणि धोनीने उपस्थितांची मनं जिंकली.

यंदाच्या आयपीएलमध्ये धोनीने १० सामन्यात सर्वाधिक २७ षटकार लगावले आहेत. या हंगामातील दुसऱ्या क्रमांकाचा १०८ मीटर लांब षटकारही धोनीच्याच नावे आहे.