IPL 2020: CSKनंतर आता दिल्ली संघाचा सदस्य करोना पॉझिटिव्ह

गेल्या दोन आठवड्यात चेन्नईचा संघ खूप चर्चेत होता. त्याचे प्रमुख कारण म्हणजे संघ व्यवस्थापन व खेळाडू यांच्यापैकी १४ जणांना झालेली करोनाची लागण. दोन-तीन दिवसांपूर्वीच चेन्नई संघातील सर्वांच्या चाचणीचा अहवाल निगेटिव्ह आला. त्यानंतर BCCIच्या वैद्यकीय समितीतील सदस्यलाही लागण झाल्याचे सांगण्यात आले होते. तर आता करोनाचा दिल्ली संघात शिरकाव झाला आहे. दिल्ली संघाचे सहाय्यक फिजीओ यांना करोनाची लागण झाल्याचे वृत्त एएनआयने दिले आहे. त्यांना सध्या क्वारंटाइन करण्यात आलं आहे. त्यांचे आधीचे दोन चाचणी अहवाल निगेटिव्ह आले होते. पण तिसऱ्या अहवालात त्यांनी लागण झाल्याचं निदान झालं.