IPL 2020: निराशाजनक कामगिरीनंतर इम्रान ताहिरचं भावनिक ट्विट, म्हणाला…

संघाच्या निराशाजनक कामगिरीनंतर अनुभवी फिरकीपटू इम्रान ताहीर याने एक भावनिक संदेश देणारं ट्विट केलं. “स्पर्धेचा शेवट विजयाने झाला याचा आनंद आहे. पण प्ले-ऑफ्समध्ये स्थान मिळाल्याचं दु:ख वाटतं. चाहत्यांनो, तुमच्या अपेक्षा मी पूर्ण करू शकलो नाही असं तुम्हाला वाटत असेल तर मला माफ करा. जर संधी मिळाली तर पुढच्या वर्षी मी दमदार पुनरागमन करून दाखवेन. तुम्ही दिलेला पाठिंबा आणि प्रेमासाठी धन्यवाद!”, असं त्याने ट्विट केलं.

Good finish at the end but a heavy feeling in the heart not to get to the play offs.Sorry fans if you feel I didn’t perform the way you all expected.If given a chance will try and do better next year.Thanks a lot for your love and continued support #Yellove

— Imran Tahir (@ImranTahirSA) November 1, 2020

दरम्यान, कर्णधार महेंद्रसिंग धोनीने नाणेफेक जिंकली आणि प्रथम पंजाबला फलंदाजीसाठी आमंत्रित केलं. पण पंजाबच्या फलंदाजांनी सपशेल निराशा केली. एकट्या दीपक हुड्डाने झुंज देत ३० चेंडूत ३ चौकार आणि ४ षटकारांच्या मदतीने नाबाद ६२ धावा केल्या आणि संघाला १५३ धावांपर्यंत मजल मारून दिली. या आव्हानाचा पाठलाग करताना चेन्नईचे सलामीवीर फाफ डु प्लेसिस आणि ऋतुराज गायकवाड जोडीने ८२ धावांची भागीदारी केली, डु प्लेसिस बाद झाल्यावर ऋतुराजने रायडूच्या साथीने संघाला विजय मिळवून दिला. ऋतुराजने ४९ चेंडूत ६ चौकार आणि एका षटकारासह नाबाद ६२ धावा केल्या.