IPL का किंग कौन?….. मुंबई इंडियन्स! पाचव्यांदा जिंकलं विजेतेपद

मुंबईचा 'हिटमॅन' रोहित शर्मा याने महत्त्वाच्या सामन्यात पुन्हा एकदा उपयुक्त खेळी करून दाखवली. कर्णधारपदाला साजेशी खेळी करत रोहितने ३६ चेंडूमध्ये ३ चौकार आणि ४ षटकारांच्या सहाय्याने अर्धशतक झळकावले.

कर्णधार रोहित शर्मासोबत चांगली भागीदारी असतानाच सूर्यकुमार यादव धावचीत झाला. रोहित हळूच फटका खेळत एकेरी धाव घेण्यासाठी धावला पण रोहित-सूर्यकुमार यांच्यात धाव घेण्यावरून गोंधळ झाला. अखेर रोहित नॉन-स्ट्राईकला पोहोचल्याचं पाहून सूर्यकुमारने आपली क्रीज सोडली आणि स्वत:ला धावबाद करवून घेतलं. सूर्यकुमारने २० चेंडूत १९ धावा केल्या.

दिल्लीच्या गोलंदाजीचा चांगलाच समाचार घेत मुंबई इंडियन्सने पॉवर-प्ले म्हणजेच डावाच्या पहिल्या ६ षटकात तब्बल ६१ धावा कुटल्या. मुंबईच्या फलंदाजांनी या षटकांमध्ये ५ चौकार आणि ४ षटकार खेचत संघाला भक्कम सुरूवात मिळवून दिली.

संघ संकटात सापडलेला असताना श्रेयसची ऋषभ पंतसोबत महत्वपूर्ण भागीदारी. अखेरपर्यंत मैदानावर तळ ठोकत केली नाबाद ६५ धावांची खेळी. धडाकेबाज खेळीसह श्रेयस अय्यरला दिग्गज फलंदाजांच्या पंगतीत स्थान, जाणून घ्या सविस्तर

जबरदस्त वेगाने फलंदाजी करणारा क्विंटन डी कॉक स्टॉयनीसच्या गोलंदाजीवर झेलबाद झाला आणि मुंबईला पहिला धक्का बसला. १२ चेंडूत त्याने ३ चौकार आणि १ षटकार लगावत २० धावा केल्या. पण शरीराजवळच्या चेंडूवर फटका खेळताना डी कॉक माघारी परतला.

१५७ धावांच्या आव्हानात्मक लक्ष्याचा पाठलाग करताना मुंबईच्या सलामीवीरांनी धडाकेबाज सुरूवात केली. कर्णधार रोहित शर्मा आणि डावखुरा क्विंटन डी कॉक जोडीने फिरकीपटू अश्विन आणि इतर वेगवान गोलंदाजांचा चांगलाच समाचार घेतला.

आपल्या पहिल्यावहिल्या अंतिम सामन्यात दिल्लीने २० षटकांत १५६ धावा केल्या आणि चार वेळा स्पर्धेचं विजेतेपद पटकावलेल्या मुंबई इंडियन्ससमोर १५७ धावांचे आव्हान ठेवले. दिल्लीच्या संघाची सुरूवात काहीशी खराब झाली होती, पण कर्णधार श्रेयस अय्यर आणि ऋषभ पंत या जोडीने संघाचा डाव सावरत सन्मानजनक धावसंख्या उभारली. ऋषभ पंतने स्पर्धेतील पहिले अर्धशतक ठोकत ५६ धावा केल्या. श्रेयस अय्यरने नाबाद ६५ धावांची खेळी करत संघाला १५० पार मजल मारून दिली.

हैदराबादविरूद्धच्या सामन्यात २२ चेंडूत ४२ धावांची धडाकेबाज खेळी करणारा शिमरॉन हेटमायर आजच्या सामन्यात मात्र पूर्णपणे अयशस्वी ठरला. ५ चेंडूच्या खेळात त्याने केवळ १ चौकार लगावला. ट्रेंट बोल्टच्या स्मार्ट गोलंदाजीवर तो ५ धावा काढून माघारी परतला.

दिल्लीचा संघ संकटात असताना मैदानावर आलेल्या श्रेयस अय्यरने योग्य वेळी कर्णधारपदाला साजेशी खेळी केली. अय्यरने ४० चेंडूमध्ये मोक्याच्या क्षणी चौकार-षटकारांची आतषबाजी करत अर्धशतक पूर्ण केलं.

IPL 2020मध्ये आपले पहिलेवहिले अर्धशतक ठोकणारा ऋषभ पंत मोठा फटका खेळताना हार्दिक पांड्याकडे झेल देऊन माघारी परतला. त्याने ३८ चेंडूत ४ चौकार आणि २ षटकारांसह खेचत ५६ धावा केल्या. पण अर्धशतकानंतर लगेच ऋषभ पंत बाद झाला.

अवश्य वाचा - IPL 2020 : देर आए दुरुस्त आए, मोक्याच्या क्षणी ऋषभला गवसला सूर पण...

संपूर्ण स्पर्धेत फारशी चमक न दाखवता आलेल्या डावखुऱ्या ऋषभ पंतने महत्त्वाच्या सामन्यात आपली उपयुक्तता सिद्ध करून दाखवली. त्याने ३४ चेंडूत ३ चौकार आणि २ षटकार खेचत दमदार अर्धशतक पूर्ण केलं.

२२ धावांवर महत्त्वाचे ३ गडी बाद झालेले असताना कर्णधार श्रेयस अय्यर आणि ऋषभ पंत हे दोघे मैदानात आले. नव्या दमाच्या या जोडीने दिल्लीचा डाव केवळ सावरलाच नाही, तर दोघांनी मुंबईच्या गोलंदाजांवर जोरदार हल्ला चढवला आणि १३ षटकात संघाला शंभरी गाठून दिली.

आतापर्यंतच्या सामन्यांमध्ये अपयशाचा सामना करणाऱ्या ऋषभ पंतला अखेरीस अंतिम सामन्यात सूर गवसला आहे. संघ संकटात सापडलेला असताना ऋषभची कर्णधार श्रेयस सोबत महत्वपूर्ण भागीदारी...हंगामातील सर्वोच्च धावसंख्येची नोंद अंतिम सामन्यात...

विकेटसाठी मुंबई इंडियन्स करतंय गणपती बाप्पाचा धावा 

अंतिम सामन्याच्या पहिल्या टप्प्यावर म्हणजेच टाईम-आऊटच्या आधीच्या ९ षटकांच्या खेळावर मुंबईने वर्चस्व गाजवलं. मुंबईच्या गोलंदाजांनी दिल्लीला ५९ धावांवर रोखलं आणि ३ गड्यांना माघारी धाडलं.

राहुल चहरऐवजी अंतिम सामन्यात जयंत यादवला स्थान देण्याच्या रोहितच्या निर्णयावर सर्वांनी आश्चर्य व्यक्त केलं होतं. परंतू दिल्लीच्या संघातील डावखुऱ्या फलंदाजांविरोधात जयंतचा अनुभव कामी येईल या हेतून रोहितने जयंतला स्थान दिलं. जयंतनेही कर्णधाराचा विश्वास सार्थ ठरवला. जाणून घ्या...

अप्रतिम लयीत असलेला दिल्लीचा गब्बर फलंदाज शिखर धवन महत्त्वाच्या सामन्यात मात्र स्वस्तात माघारी परतला. राहुल चहरच्या जागी संघात स्थान मिळालेल्या जयंत यादवने धवनला बरोबर जाळ्यात अडकवलं. धवनने ३ चौकारांसह १३ चेंडूत १५ धावांवर केल्या.

आयपीएल अंतिम सामन्याच्या इतिहासात पहिल्यांदाच घडली अनोखी कामगिरी, जाणून घ्या...

संपूर्ण हंगामात केवळ एक अर्धशतक ठोकणाऱ्या अजिंक्य रहाणेची कामगिरी आजच्या सामन्यातही वाईटच झाली. ट्रेंट बोल्टने लेग साईडला टाकलेल्या चेंडूवर रहाणे झेलबाद झाला. रहाणेने केवळ दोन धावा केल्या.

सलामीला आलेल्या मार्कस स्टॉयनीसला पहिल्याच चेंडूवर झेलबाद होऊन परतावे लागले. ट्रेंट बोल्टने त्याला माघारी धाडलं. फायनलमध्ये पहिल्या चेंडूवर विकेट मिळण्याची ही पहिलीच वेळ ठरली.

अंतिम फेरीसारख्या मोठ्या सामन्यात मुंबईने एक महत्त्वाचा बदल केला आहे. मुंबईचा संघ पाहण्यासाठी क्लिक करा...

दिल्लीचा कर्णधार श्रेयस अय्यर याने नाणेफेक जिंकली आणि प्रथम फलंदाजीचा निर्णय घेतला.