IPL playoffs : ६ सामने ठरवणार ६ संघाचं भविष्य

आयपीएलच्या १३ व्या हंगामात आतापर्यंत ५० सामने झाले आहेत. बाद फेरीतील फक्त सहा सामने बाकी आहेत. तरिही अद्याप अंतिम चार संघ कोणते हे स्पष्ट झालेलं नाही. मुंबई वगळता एकाही संघाचं क्वालिफायचं तिकिट पक्कं झालेलं नाही. अशातच सहा सामने, सहा संघ आणि तीन जागा… असं समिकरण राहिलं आहे. मुंबईचा संघ क्वालिफाय झाला असला तरिही उर्वरित सामने जिंकून अव्वल दोनमध्ये राहण्यासाठी मुंबईकर मैदानात उतरतील.

पंजाब, राजस्थान, कोलकाता या संघाचे १३ सामन्यात १२ गुण आहेत. प्ले ऑमध्ये पोहचण्यासाठी अखेरच्या सामन्यात विजय आवशक आहे. हैदराबाद, दिल्ली, आरसीबी आणि मुंबई यांचे अद्याप दोन सामने बाकी आहेत. प्ले ऑफमध्ये प्रवेश मिळवण्यासाठी हैदराबादला उर्वरित दोन्ही सामने जिंकावे लागतील. तर दिल्ली आणि आरसीबीला एका सामन्यात विजय अनिवार्य आहे. अन्यथा नेट रन रेटच्या आधारावर अंतिम चारसाठी संघ क्वालिफाय होऊ शकतो.

उर्वरित सामने –
दिल्ली vs मुंबई
आरसीबी vs हैदराबाद
चेन्नई vs पंजाब
कोलकाता vs राजस्थान
दिल्ली vs आरसीबी
मुंबई vs हैदराबाद