IPL 2020 : ‘हिटमॅन’चा विजयी ‘पंच’, अंतिम सामन्यात बजावली महत्वाची भूमिका

कर्णधार या नात्याने आयपीएलचं विजेतेपद पटकावण्याची रोहितची ही पाचवी वेळ ठरली आहे. तर रोहितचं हे एकंदरीत सहावं विजेतेपद ठरलंय.

५१ चेंडूत ५ चौकार आणि ४ षटकारांसह रोहितने ६८ धावांची खेळी केली. साखळी फेरीत रोहित दुखापतीमुळे काही सामने खेळू शकला नव्हता. यामुळे त्याला भारतीय संघात आपलं स्थानही गमवावं लागलं. परंतू यावरही यशस्वीरित्या मात करत रोहितने अर्धशतकी खेळी करत आपला फॉर्म पुन्हा एकदा सिद्ध केला आहे.