IPL 2020 : ट्रेंट बोल्टला मुंबईकडे देऊन दिल्लीने सर्वात मोठी चूक केली – टॉम मूडी

अवश्य वाचा – कपिल देव परवडले, पण जसप्रीत बुमराहचा सामना?? नको रे बाबा…

“मला दिल्लीची ही रणनिती खरंच समजली नाही. मला या गोष्टीची जाणीव आहे की बोल्टला मुंबईकडे देताना यंदाची स्पर्धा युएईत होणार आहे याची कोणालाच कल्पना नव्हती. पण यंदाची स्पर्धा भारतात असती तरीही मुंबईत बोल्ट हा इतर संघांसाठी धोकादायक ठरु शकला असता. मुंबईच्या खेळपट्टीवर चेंडू स्विंग होतो आणि बोल्ट त्याच्यात माहीर आहे. बोल्ट हा पॉवरप्लेमध्ये सर्वोत्तम गोलंदाज आहे, त्यामुळे अशा एका गोलंदाजाला स्पर्धेतील सर्वोत्तम संघाला देणं म्हणजे आपला हुकुमाचा एक्का दुसऱ्याला देण्यासारखं झालं.” टॉम मुडी ESPNCricinfo शी बोलत होते.

अवश्य वाचा – IPL 2020 मध्ये पंचही कमावणार लाखो रुपये, जाणून घ्या किती मिळणार मानधन??

आतापर्यंत झालेल्या सामन्यांमध्ये बोल्टने २२ बळी घेतले असून तो पर्पल कॅपच्या शर्यतीत आहे. तेराव्या हंगामात बोल्टने अनेकदा पहिल्याच षटकात बळी घेत मुंबईला धडाकेबाज सुरुवात करुन दिली आहे. त्यामुळे अंतिम फेरीतही बोल्टकडून मुंबई इंडियन्सला अशाच कामगिरीची अपेक्षा असणार आहे.

अवश्य वाचा – जसप्रीत बुमराह जगातला सर्वोत्तम टी-२० गोलंदाज !