IPL 2020 : हैदराबादचा टी. नटराजन झाला ‘बाप’माणूस

डेव्हिड वॉर्नरच्या नेतृत्वाखाली खेळणाऱ्या सनराईजर्स हैदराबाद संघाने गेल्या काही सामन्यांत धडाकेबाज कामगिरी करत गुणतालिकेतील सर्व अव्वल संघांना धक्का दिला. पहिल्या एलिमिनेटर सामन्यातही हैदराबादने RCB वर मात करत अंतिम फेरीच्या दिशेने एक पाऊल टाकलं. रविवारी हैदराबादचा सामना दिल्लीसोबत होणार आहे. या सामन्यात बाजी मारल्यास हैदराबादचा संघ अंतिम फेरीत प्रवेश करेल. सनराईजर्स हैदराबादचा महत्वाचा गोलंदाज टी.नटराजन सध्या चांगल्याच आनंदात आहे. RCB विरुद्ध सामन्यादरम्यान नटराजनच्या पत्नीने एका गोंडस मुलाला जन्म दिला आहे.