Mumbai Indians vs Sunrisers Hyderabad Match Updates: आयपीएल २०२४ चा ५५वा सामना मुंबई इंडियन्स आणि सनरायझर्स हैदराबाद यांच्यात खेळवला जाणार आहे. मुंबईने नाणेफेक जिंकत प्रथम गोलंदाजी करण्याचा निर्णय घेतला. मुंबईने हैदराबादच्या फलंदाजांवर अंकुश ठेवला आहे आणि धावांवर चांगलाच ब्रेक लागला आहे. या सामन्यात मुंबईचा महत्त्वाचा गोलंदाज जसप्रीत बुमराहने संघाला पहिली विकेट मिळवून दिली. बुमराहसाठी आजचा सामना खास आहे, कारण त्याचा सामना पाहण्यासाठी वानखेडेवर त्याचा लेक अंगद पोहोचला आहे.

या बातमीसह सर्व प्रीमियम कंटेंट वाचण्यासाठी साइन-इन करा
Skip
या बातमीसह सर्व प्रीमियम कंटेंट वाचण्यासाठी साइन-इन करा

जसप्रीत बुमराह आणि संजना गणेशन यांना सप्टेंबर २०२३ मध्ये मुलगा झाला, ज्याचे नाव त्यांनी अंगद ठेवले आहे. अंगद बुमराह आज बाबांना चिअर करण्यासाठी वानखेडेवर पोहोचला आहे. बुमराहची पत्नी संजनासोबत लेक अंगद बसल्याचा फोटो व्हायरल झाला आहे. त्या सोबतच त्याची पत्नी संजना गणेशनचा आज वाढदिवसही आहे. बुमराहने खास अंदाजात संजनाला वाढदिवसाच्या शुभेच्छा दिल्या आहेत. लेकाकडूनही बुमराहने संजनला कॅप्शनमध्ये शुभेच्छा दिल्या.

मुंबई इंडियन्सच्या संघाने आज चांगली कामगिरी करत धावांचा पाऊस पाडणाऱ्या हैदराबादला वेसण घातले आहे. मुंबईकडून पदार्पणाची संधी मिळालेल्या अंशुल कंबोजनेही शानदार गोलंदाजी केली. बुमराहने अभिषेक शर्माला इशान किशनकरवी झेलबाद केले. १५ षटकांनंतर हैदराबादची धावसंख्या ५ बाद १२० इतकी आहे.