Jos Buttler and Yuzvendra Chahal Interview: आयपीएलच्या गेल्या मोसमात उपविजेते ठरलेल्या राजस्थान रॉयल्सने यंदाच्या मोसमाची धमाकेदार सुरुवात केली आहे. राजस्थानने पहिल्याच सामन्यात सनरायझर्स हैदराबादचा ७२ धावांनी पराभव केला. या सामन्यात सलामीवीर जोस बटलरने २० चेंडूत झंझावाती अर्धशतक झळकावले आणि ५४ धावांची धडाकेबाज खेळी केली. सामन्यानंतर युजवेंद्र चहलशी बोलताना बटलरने एक खुलासा. युजवेंद्रने विचारलेल्या प्रश्नाचे उत्तर देताना बटलर म्हणालाया डावात त्याचा आवडता शॉट खेळू शकला नाही.
सामना संपल्यानंतर जोस बटलरने सहकारी युजवेंद्र चहलशी गप्पा मारल्या. यादरम्यान चहलने त्याला त्याच्या आवडत्या शॉटबद्दल प्रश्न विचारला. ज्याच्या प्रत्युत्तरात बटलरने स्कूप शॉटला त्याचा आवडता शॉट म्हणून वर्णन केले. तो म्हणाला, “हा माझा आवडता शॉट आहे आणि मी शक्य तितक्या वेळा खेळण्याचा विचार करेन.”
पहिल्या सामन्यात स्कूप शॉट का खेळला नाही?
जोस बटलर पुढे म्हणाला की, “जेव्हाही मी हा शॉट खेळेन तेव्हा माझ्यात १०० टक्के आत्मविश्वास असेल, अन्यथा मी खेळणार नाही. आजच्या सामन्यात मला हा शॉट खेळावा असे वाटले नाही. कारण हा शॉट खेळता येईल अशी परिस्थिती नसल्याने मी तो खेळला नाही.”
बटलरने पहिल्याच सामन्यात ५४ धावा केल्या –
या मोसमातील पहिल्याच सामन्यात राजस्थान रॉयल्स संघासमोर एसआरएच होते. नाणेफेक हरल्यानंतर प्रथम फलंदाजी करणाऱ्या राजस्थान रॉयल्सने पॉवर प्लेमध्ये वेगवान फलंदाजी केली. या सामन्यात बटलरने आयपीएल २०२३ मधील सर्वात वेगवान अर्धशतक झळकावले. बटलरने आधी २१ चेंडूत अर्धशतक पूर्ण केले आणि नंतर ५४ धावा करून बाद झाला.
हेही वाचा – IPL 2023: वीरेंद्र सेहवागचे ऋतुराज गायकवाडबद्दल मोठं वक्तव्य; म्हणाला, ‘मला आश्चर्य वाटते की त्याला….’
युजवेंद्र चहलने ४ विकेट घेत रचला विक्रम –
सनरायझर्स हैदराबादविरुद्धच्या सामन्यात रॉयल्सचा स्टार फिरकीपटू युजवेंद्र चहलने ४ विकेट घेत आयपीएलमध्ये १७० बळी पूर्ण केले. युझवेंद्र चहल आयपीएल २०२२ मध्ये सर्वाधिक विकेट घेणारा गोलंदाज बनला आणि त्याने पर्पल कॅप जिंकली होती. चहलने आयपीएलच्या १६ व्या हंगामातील पहिल्याच सामन्यात ४ विकेट घेत दमदार सुरुवात केली आहे. त्याचबरोबर तो टी-२० क्रिकेटमध्ये सर्वाधिक विकेट्स घेणारा पहिला भारतीय गोलंदाज ठरला आहे. त्याच्या नावावर ३०३ विकेट्सची नोंद झाली आहे.
