Kolkata Knight Riders vs Royal Challengers Bangalore Score Updates : ईडन गार्डनमध्ये यंदाच्या आयपीएल सीजनचा ९ सामना कोलकाता नाईट रायडर्स आणि रॉयल चॅलेंजर्स बंगळुरु यांच्यात रंगला. आरसीबीने नाणेफेक जिंकून प्रथम गोलंदाजी करण्याचा निर्णय घेतला होता. त्यानंतर कोलकाताने गुरबाज, शार्दुल ठाकूरच्या दमदार अर्शशतकी खेळीच्या जोरावर २० षटकांत ७ विकेट्स २०४ धावांची मजल मारली होती. त्यानंतर दोनशे पार धावांचं लक्ष्य गाठण्यासाठी मैदानात उतरलेल्या आरसीबीच्या फलंदाजांची कोलकाताच्या फिरकीपटूंनी दाणादाण उडवली. सुनील नारायणने विराट कोहलीचा त्रिफळा उडवला. त्यानंतर वरुण चक्रवर्तीने आरसीबीच्या टॉप ऑर्डर फलंदाजांच्या दांड्या उडवल्या. कोलकाताच्या गोलंदाजांच्या चमकदार कामगिरीमुळं आरसीबीचा पराभव झाला. आरसीबीचा आख्खा संघ १७.४ षटकात १२३ धावांवर गारद झाला आणि कोलकाता नाईट रायडर्सने पहिल्या विजयाचा नारळ फोडला.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
