रासी ड्यूसेनचा डायरेक्ट हीट! मॅथ्यू वेडला केलं बघता बघता धावबाद | Matthew Wade run out by Rassie van der Dussen direct hit in rrvsgt in ipl 2022

गुजरात आणि राजस्थान हे दोन्ही संघ तुल्यबळ आहेत. मात्र सध्या राजस्थान रॉयल्स गुणतालिकेत प्रथम क्रमांकावर आहे

मॅथ्यू वेड अशा प्रकारे धावबाद झाला (फोटो क्रेडिट- iplt20.com)

आयपीएलच्या पंधराव्या हंगामातील २४ व्या सामन्यात राजस्थान रॉयल्स आणि गुजरात टायटन्स या दोन तगड्या संघांमध्ये लढत रंगली आहे. मात्र फलंदाजीसाठी आलेल्या गुजरातला सुरुवातीलाच मोठा झटका बसला. राजस्थानच्या रासी व्हॅन डर ड्यूसेनने चेंडू स्टंपवर डायरेक्ट हीट केल्यामुळे सलामीवर मॅथ्यू वेड धावबाद झाला आहे. गुजरातच्या अवघ्या १२ धावा झालेल्या असताना मॅथ्यू हेडच्या रुपात गुजरातला हा पहिला झटका बसला आहे.

हेही वाचा >>> ‘गॉड ऑफ क्रिकेट’ची जादू कायम! भर मैदानात पंजाबच्या कोचने सचिनचे धरले पाय, पाहा नेमकं काय घडलं?

नाणेफेक जिंकून राजस्थान रॉयल्सने गोलंदाजी करण्याचा निर्णय घेतला. त्यानंतर सलामीला आलेल्या शुभमन गिल आणि मॅथ्यू हेड या जोडीने गुजरात टायटन्ससाठी धावा जोडण्याचा प्रयत्न केला. मात्र हा प्रयत्न अयशस्वी ठरला. कारण दुसऱ्याच षटकामध्ये रासी व्हॅन डर ड्यूसेनने चेंडू स्टंप्सवर डायरेक्ट हीट केल्यामुळे मॅथ्यू हेडला धावबाद व्हावे लागले. मॅथ्यू हेडने सहा चेंडूंमध्ये तीन चौकार लगावत १२ दावा केल्या. रासी व्हॅन डर ड्यूसेनने क्षणाचाही विलंब न करता चेंडू थेट स्टंप्सवर मारल्यामुळे मोठी धाव घेऊनही मॅथ्यू हेड बाद झाला.

GT had a disastrous start in the beginning with the runout of Matthew Wade.#IPL2022 #RRvsGT pic.twitter.com/foZfJifHJu
— SportsViz (@viz_sports) April 14, 2022

हेही वाचा >>> IPL 2022 : ‘बेबी एबी’ची तुफानी फलंदाजी पाहून रोहित शर्मा झाला प्रभावित, मैदानावर येऊन…

दरम्यान, गुजरात आणि राजस्थान हे दोन्ही संघ तुल्यबळ आहेत. सध्या राजस्थान रॉयल्स गुणतालिकेत प्रथम क्रमांकावर आहे. तर गुजरात टायटन्स हा पाचव्या क्रमांकावर आहे. त्यामुळे राजस्थान पहिल्या क्रमांकावर कायम राहण्यासाठी तर गुजरात टायटन्स गुणतालिकेत वरचा क्रमांक गाठण्यासाठी प्रयत्नरत आहे.

First published on: 14-04-2022 at 21:03 IST

Web Title: Matthew wade run out by rassie van der dussen direct hit in rrvsgt in ipl 2022 prd

IPL 2022, RRvsGT : रासी ड्यूसेनचा डायरेक्ट हीट! मॅथ्यू वेडला केलं बघता बघता धावबाद

गुजरात आणि राजस्थान हे दोन्ही संघ तुल्यबळ आहेत. मात्र सध्या राजस्थान रॉयल्स गुणतालिकेत प्रथम क्रमांकावर आहे