Ishan on Rohit Sharma: मुंबई इंडियन्स संघ आपला पाचवा सामना सनरायझर्स हैदराबाद विरुद्ध खेळत आहे. शेवटचे दोन सामने जिंकल्यानंतर संघाला आपली विजयी घोडदौड कायम राखण्याची आशा आहे. हैदराबाद संघाने नाणेफेक जिंकून मुंबईला प्रथम फलंदाजीसाठी पाठवले. इशान किशन आणि रोहित शर्मा यांनी संघाला चांगली सुरुवात करून दिली. पण यादरम्यान रोहित शर्माची पत्नी रितिका सजदेह अस्वस्थ दिसली तेव्हा एक विचित्र घटना पाहायला मिळाली.
पॉवर प्ले दरम्यान इशान किशन मोठ्या हिटच्या शोधात होता. मोठ्या फटकेबाजीच्या शोधात तरुण फलंदाजाने विजेचा सरळ शॉट खेळला. तो चेंडू थेट कर्णधार रोहित शर्माकडे गेला, त्यानंतर हिटमॅन जमिनीवर पडला. हे पाहिल्यानंतर त्यांची पत्नी रितिका सजदेह टेन्शनमध्ये दिसली. या सामन्यात रोहित शर्माला मोठी खेळी करण्यात यश मिळू शकले नाही. हिटमॅनने १८ चेंडूत ६ चौकारांच्या मदतीने २८ धावांची खेळी केली.
सनरायझर्स हैदराबादचा गोलंदाज मार्को जॅनसेन गोलंदाजी करत होता. समोर इशान स्ट्राइकवर होता, गोलंदाज मार्कोने सरळ चेंडू टाकला जो इशानने समोरच्या दिशेने ताकदीने खेळला. चेंडू थेट रोहितच्या डाव्या पॅडवर गेला. रोहितने चेंडूच्या दिशेपासून दूर जाण्याचा प्रयत्न केला पण तरीही तो चेंडूपासून दूर जाऊ शकला नाही. चेंडू इतका वेगवान होता की रोहितला चेंडू लागताच तो मैदानातच पडला. मात्र, त्याला दुखापत झाली नाही. या संपूर्ण घटनेचा व्हिडिओ सोशल मीडियावर व्हायरल होत आहे.
सामन्यात काय झाले?
मुंबई इंडियन्सने सनरायझर्स हैदराबादला १९३ धावांचे कठीण लक्ष्य दिले आहे. मुंबईने २० षटकांत पाच गडी गमावून १९२ धावा केल्या. त्याच्यासाठी कॅमेरून ग्रीनने सर्वाधिक धावा केल्या. ग्रीनने ४० चेंडूत नाबाद ६४ धावांची खेळी केली. इशान किशनने ३१ चेंडूत ३८ तर तिलक वर्माने १७ चेंडूत ३७ धावा केल्या. कर्णधार रोहित शर्माने १८ चेंडूत २८ आणि टीम डेव्हिडने ११ चेंडूत १६ धावांचे योगदान दिले. सूर्यकुमार यादव सात धावा करून बाद झाला. सनरायझर्सकडून मार्को जॅनसेनने सर्वाधिक दोन बळी घेतले. भुवनेश्वर कुमार आणि टी-नटराजन यांना प्रत्येकी एक यश मिळाले. धावांचा पाठलाग करताना हैदराबाद केवळ १७८ धावाच करू शकली आणि सामना मुंबई पलटणने १३ धावांनी जिंकला.
