Chennai Super Kings vs Lucknow Super Giants Score Updates: चेन्नई सुपर किंग्ज आणि लखनऊ सुपर जायंट्स यांच्यातील आयपीएल २०२३चा सहावा सामना CSK च्या होम ग्राउंड चेपॉकवर खेळला गेला. हा सामना थालाच्या संघाच्या बाजूने व्हायला हवा. चेन्नईने हा रोमांचक सामना अवघ्या १२ धावांनी जिंकला. दोन्ही संघांमध्ये चुरशीची स्पर्धा झाली. चेन्नईचे शेर्स आणि लखनऊचे नवाब यांच्यात हाय स्कोअरिंग सामना पाहायला मिळाला. पण शेवटी महेंद्रसिंग धोनीच्या संघाचा विजय झाला. त्याचवेळी, सामना संपल्यानंतर माही त्याच्या गोलंदाजांबद्दल खूप निराश झाला. गोलंदाजांच्या खराब कामगिरीमुळे दुसऱ्या कर्णधाराच्या नेतृत्वाखाली खेळण्यास तयार राहा, जणू असा इशाराच दिला.
वेगवान गोलंदाजांवर नाराजी व्यक्त केली
सामन्यानंतर महेंद्रसिंग धोनी म्हणाला, “वेगवान गोलंदाजीत सुधारणा आवश्यक आहे आणि ती परिस्थितीनुसार केली पाहिजे. महत्त्वाचे म्हणजे विरोधी गोलंदाज काय करत आहेत यावर लक्ष ठेवणे. दुसरी गोष्ट म्हणजे त्याने नो बॉल आणि एक्स्ट्रा वाइड्स टाकू नयेत. किंवा त्यांना नव्या कर्णधाराखाली खेळावे लागेल. ही माझी दुसरी चेतावणी असेल आणि जर पुन्हा नो-बॉल, वाईड बॉल टाकले तर मग मी निघून जाईन.” अशा स्पष्ट शब्दात त्याने दम भरला.
चेन्नईच्या गोलंदाजांनी जबरदस्तपणे नो आणि वाईड चेंडू फेकले
लखनऊ सुपर जायंट्स विरुद्ध खेळलेला सामना चेन्नई सुपरजायंट्सने जिंकला असला तरी या सामन्यात सीएसकेचे गोलंदाज अतिशय खराब लयीत दिसले. या सामन्यात चेन्नईच्या गोलंदाजांनी एकूण ३ नो बॉल आणि एकूण १३ वाईड बॉल टाकले. अशा प्रकारे संघाने १८ अतिरिक्त धावा खर्च केल्या. त्याचबरोबर लखनौचे गोलंदाजही या बाबतीत मागे राहिले नाहीत. या सामन्यात लखनऊच्या गोलंदाजांनी १ नो बॉल आणि ७ वाईड बॉल टाकले. पहिल्या सामन्यातही चेन्नईच्या गोलंदाजांनी २ नो आणि ४ वाईड बॉल टाकले होते.
चेपॉकच्या खेळपट्टीवर कॅप्टन कूल झाला आश्चर्यचकित
खेळपट्टीबद्दल बोलताना धोनी म्हणाला, “विलक्षण हाय स्कोअरिंग खेळ झाला. खेळपट्टी कशी असेल असा प्रश्न आम्हा सगळ्यांना पडला होता. चेन्नईच्या मैदानात आयपीएल २०२३चा पहिला सामना टी२० ला साजेसा, अगदी परफेक्ट झाला. मला वाटले खेळपट्टी जरा हळू असेल. पण ती अशी खेळपट्टी होती जिथे तुम्ही धावा करू शकता. मला खेळपट्टी पाहून आश्चर्य वाटले.”
सामन्यात काय झाले?
लखनऊ सुपर जायंट्सने नाणेफेक जिंकून चेन्नईला प्रथम फलंदाजी करण्यास सांगितले, त्यामुळे चेन्नईने निर्धारित २० षटकात ७ गडी गमावून २१७ धावा केल्या. ऋतुराज गायकवाड (५७), डेव्हॉन कॉनवे (४७) यांनी ही भव्य धावसंख्या गाठण्यात संघासाठी महत्त्वाची भूमिका बजावली. प्रत्युत्तरात लखनौनेही फलंदाजी करताना चांगली कामगिरी केली. धक्कडचा सलामीवीर काईल मायर्सने दुसऱ्या सामन्यातही झटपट अर्धशतक केले. त्याचवेळी निकोलस पूरननेही जलद ३२ धावा केल्या. पण ते लक्ष्य १२ धावांनी चुकले आणि सामना गमावला. चेन्नईचा या मोसमातील हा पहिला विजय ठरला.
