MS Dhoni register embarrassing record as captain: आयपीएल २०२३ मधील ४१ वा सामना रविवारी चेन्नई सुपर किंग्ज आणि पंजाब किंग्ज संघात खेळला गेला. या रोमांचक सामन्यात पंजाबने चेन्नईचा ४ विकेट्स राखून पराभव केला. या पराभवानंतर भारताचा सर्वात यशस्वी कर्णधार असलेला एमएस धोनी आयपीएल इतिहासातील सर्वात खराब कर्णधार ठरला आहे. धोनीचा संघ सीएसकेला रविवारी त्यांच्याच घरच्या मैदानावर २०० धावा करूनही पंजाब किंग्जकडून पराभव पत्कारावा लागला. आयपीएल १६व्या हंगामातील ४१ व्या सामन्यात पंजाब किंग्सने असे काही केले, जे आयपीएलच्या इतिहासात इतर कोणताही संघ करू शकला नाही. डेव्हॉन कॉनवेच्या शानदार नाबाद ९२ धावांच्या जोरावर चार वेळच्या चॅम्पियन चेन्नईने प्रथम फलंदाजी २०० धावा केल्या. पण पंजाबने चेपॉकच्या मैदानावर चेन्नई सुपर किंग्जविरुद्धचा सामना चार गडी राखून जिंकला. त्याचबरोबर चेपॉक मैदानावर सर्वाधिक यशस्वी पाठलाग करण्याची नोंद केली. एमएस धोनी ठरला आयपीएलमधील सर्वात खराब कर्णधार - कर्णधार म्हणून धोनीचा हा तिसरा पराभव आहे, जेव्हा तो २०० हून अधिक धावांचा बचाव करत होता. मात्र यावेळी त्यांच्या संघाला पराभवाला सामोरे जावे लागले. या पराभवामुळे धोनी आता आयपीएलच्या इतिहासातील सर्वात खराब कर्णधार बनला आहे. या नको असलेल्या यादीत धोनीने आता विराट कोहली आणि फाफ डू प्लेसिसला मागे टाकत पहिल्या क्रमांकावर पोहोचला आहे. हेही वाचा - IPL 2023 MI vs RR: १९ मीटर मागे धावत जाऊन संदीप शर्माने घेतला सूर्याचा अप्रतिम झेल; पाहा VIDEO आयपीएलमध्ये २०० हून अधिक धावांचा बचाव करताना सर्वाधिक सामने गमावणारे कर्णधार - ३ वेळा - एमएस धोनी२ वेळा – विराट कोहली२ वेळा - फाफ डु प्लेसिस सामन्याबद्दल बोलायचे तर, एमए चिदंबरम स्टेडियमवर खेळल्या गेलेल्या सामन्यात, सीएसके संघाने प्रथम फलंदाजी करताना २००/४ अशी धावसंख्या उभारली, जी बचावासाठी पुरेशी वाटत होती. परंतु सीएसकेच्या गोलंदाजांना आपल्या धावसंख्येचा बचाव करण्यात अपयशी आले. कारण पंजाब किंग्ज संघाने प्रत्युत्तरात ६ बाद २०१ धावा केल्या. हेही वाचा - RR vs MI: शतकवीर यशस्वी जैस्वालला रोहित शर्माने विचारला मजेशीर प्रश्न; म्हणाला, “एवढी ताकद…” आयपीएलच्या १६ व्या मोसमातील चेन्नई सुपर किंग्जचा नऊ सामन्यांतील हा चौथा पराभव आहे. या संघाने आतापर्यंत केवळ पाच सामने जिंकले आहेत. तसेच पंजाब किंग्जचा नऊ सामन्यांमधील हा पाचवा विजय आहे.
