RR vs SRH, IPL 2023 : ‘जॉस’ द बॉस! जयपूरच्या मैदानात बटलर-सॅमसनचं वादळ, राजस्थानचं SRH ला २१५ धावांचं आव्हान

Rajasthan Royals vs Sunrisers Hyderabad IPL Match Updates : आयपीएल २०२३ चा ५२ वा सामना राजस्थान रॉयल्स आणि सनरायझर्स हैद्राबाद यांच्यात जयपूरच्या सवाई मानसिंग मैदानात सुरु आहे. राजस्थान रॉयल्सने नाणेफेक जिंकून प्रथम फलंदाजी करण्याचा निर्णय घेतला होता. त्यानंतर मैदानात उतरलेल्या राजस्थानच्या फलंदाजांनी धावांचा पाऊस पाडला. कमालीचा फॉर्मात असलेल्या यशस्वी जैस्वालने राजस्थानला चांगली सुरुवात करून दिली. जैस्वाल ३५ धावांवर बाद झाल्यानंतर कर्णधार संजू सॅमसन आणि जॉस बटलरने मैदानात चौफेर फटकेबाजी केली. त्यामुळे राजस्थानने २० षटकात २ विकेट्स गमावत २१४ धावांपर्यंत मजल मारली. त्यामुळे सनरायझर्स हैद्राबादला विजयासाठी २१५ धावांचं लक्ष्य गाठावं लागणार आहे.