Rinku Singh and Shubman Gill Video: मागील काही दिवसांपासून कोलकाता नाईट रायडर्सचा खेळाडू रिंकू सिंगची बरीच चर्चा होत आहे. वास्तविक, कोलकाता नाईट रायडर्सला विजयासाठी गुजरातविरुद्ध शेवटच्या ५ चेंडूत ५ षटकार मारुन रिंकू सिंगने जवळपास अशक्य ते शक्य करून दाखवले होते. यानंतर रिंकू सिंगचे खूप कौतुक झाले होते. आता या खेळाडूचा एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये रिंकू सिंग आणि शुबमन गिल इन्स्टाग्रामवर लाइव्ह व्हिडिओ चॅट करत आहेत.
रिंकू सिंगने विराट कोहलीची नक्कल केली –
इन्स्टाग्रामवर लाइव्ह व्हिडिओ चॅट दरम्यान रिंकू सिंगने विराट कोहलीची स्टाइल कॉपी करण्याचा प्रयत्न केला. यानंतर शुबमन गिलला हसू आवरता आले नाही. खरं तर, यादरम्यान रिंकू सिंगने विराट कोहलीच्या हावभाव आणि फलंदाजीच्या शैलीची नक्कल केली, मग काय त्यावर शुबमन गिलला हसू आवरता आलं नाही. मात्र, हा व्हिडिओ सोशल मीडियावर मोठ्या प्रमाणात व्हायरल होत आहे. त्याचबरोबर सोशल मीडिया चाहते सतत कमेंट करून आपली प्रतिक्रिया देत आहेत. सोशल मीडियावर रिंकू सिंगची ही शैली चाहत्यांना खूप आवडत आहे.
रिंकू सिंगने सलग ५ षटकार मारून केकेआरला विजय मिळवून दिला होता –
उल्लेखनीय आहे की, यापूर्वी रिंकू सिंगने कोलकाता नाईट रायडर्सला संस्मरणीय विजय मिळवून दिला होता. या सामन्यात कोलकाता नाईट रायडर्ससमोर गुजरात टायटन्सचा संघ होता. वास्तविक, कोलकाता नाईट रायडर्सला विजयासाठी शेवटच्या 5 चेंडूत २७ धावांची गरज होती, मात्र रिंकू सिंगने हा सलग पाच षटकारत संघाला विजय मिळवून दिला. त्याचवेळी वेगवान गोलंदाज यश दयाल हा गुजरात टायटन्ससाठी शेवटचे षटक टाकत होता.
रविवारी चेन्नईने दिलेल्या २३६ धावांच्या विशाल लक्ष्याचा पाठलाग करताना कोलकाता नाईट रायडर्सची सुरुवात खूपच खराब झाली. संघाचे २ धावांवर २ गडी बाद झाले. ७० धावांपर्यंत संघाने ४ विकेट गमावल्या होत्या. यानंतर जेसन रॉय आणि रिंकू सिंग यांनी कोलकाताला सामन्यात पुनरागमन करुन देण्याचा प्रयत्न केला. १५व्या षटकात रॉय बाद झाल्यानंतर रिंकू सिंगला दुसऱ्या टोकाकडून कोणतीही साथ न मिळाल्याने कोलकाता संघ सामन्यात पिछाडीवर गेला. रिंकूने आपले अर्धशतक पूर्ण केले मात्र कोलकात्याने सामना गमावला.
