IPL2023, RR vs DC: रजवाड्यांपुढे दिल्लीने टेकले गुडघे! राजस्थानने कॅपिटल्सचा तब्बल ५७ धावांनी उडवला धुव्वा

राजस्थान रॉयल्सने ठेवलेल्या २०० धावांचा पाठलाग करताना दिल्ली कॅपिटल्सची सुरुवात खराब झाली. दिल्लीचे खाते उघडण्यापूर्वीच दोन विकेट्स पडल्या होत्या. पृथ्वी शॉनंतर मनीष पांडेही तंबूत परतला. ट्रेंट बोल्टने त्याला विकेट्ससमोर पायचीत केले. मनीष पांडे पहिल्याच चेंडूवर भोपळाही न फोडता बाद झाला. ट्रेंट बोल्टला हॅटट्रिक करण्याची संधी होती मात्र तो करू शकला नाही. दिल्ली कॅपिटल्सची तिसरी विकेट ३६ धावांवर पडली. रिले रुसो १२ चेंडूत १४ धावा करून बाद झाला. त्याने आपल्या खेळीत दोन चौकार मारले. रविचंद्रन अश्विनने त्याला यशस्वी जैस्वालकरवी झेलबाद केले.

आणखी वाचा

AUS vs PAK: ७ षटकांच्या सामन्यातही पाकिस्तानचा लाजिरवाणा पराभव, ऑस्ट्रेलियाच्या विजयात मॅक्सवेलची स्फोटक खेळी

Nana Patole : निकालाआधी राजकीय घडामोडींना वेग; यातच…

IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी

Arjun Tendulkar: अर्जुन तेंडुलकरने पहिल्यांदाच पटकावल्या ५ विकेट्स; रणजी करंडक स्पर्धेत भेदक गोलंदाजी; ८४ धावांवर संघ सर्वबाद

Mumbai Indians : मुंबई इंडियन्स विक्रमी सहाव्यांदा जेतेपद पटकावण्यासाठी ‘या’ पाच जुन्या शिलेदारांवर लावणार बोली, जाणून घ्या कोण आहेत?

IND vs SA सामन्यात रायन रिकेल्टनने हार्दिक पंड्याला षटकार मारताच प्रेक्षकाने केलं असं काही की… VIDEO होतोय व्हायरल

IND vs SA 2nd T20I Highlights : रोमांचक सामन्यात यजमानांनी हिरावला भारताच्या तोंडचा घास, ट्रिस्टन स्टब्सच्या वादळी खेळीने फेरले वरुण चक्रवर्तीच्या मेहनतीवर पाणी

कर्णधार वॉर्नरने ललित यादवला हाताशी घेत डाव सावरत अर्धशतकी भागीदारी केली. मात्र ललित ३६ धावा करून बाद झाला. अष्टपैलू अक्षर पटेलही फारशी काही कामगिरी करू शकला नाही. रोवमन पॉवेल अवघे दोन धावा करून बाद झाला. अखेर डेव्हिड वॉर्नरची अर्धशतकीय झुंजार खेळी अपयशी ठरली. राजस्थानकडून ट्रेंट बोल्ड आणि युजवेंद्र चहलने प्रत्येकी ३ विकेट्स घेतल्या. तर त्या पाठोपाठ रविचंद्रन अश्विनने २ आणि संदीप शर्माने एक विकेट घेत त्यांना साथ दिली.

हेही वाचा: IPL2023, CSKvsMI: हायव्होल्टेज सामन्याआधी दोन्ही संघाच्‍या चाहते झाले व्‍यक्‍त म्हणाले, “धोनीने तुफान शॉट मारावे पण सामना मात्र मुंबई…”

तत्पूर्वी, राजस्थानने आज पुन्हा एकदा त्यांच्या फलंदाजीतील ताकद दाखवून दिली. यशस्वी जैस्वाल व जॉस बटलर यांनी पहिल्या विकेटसाठी वादळी सुरूवात केली आणि ८.३ षटकांत ९८ धावा चढवल्या. यशस्वी ३१ चेंडूंत ११ चौकार व १ षटकारासह ६० धावांवर माघारी परतला. संजू सॅमसन (०) व रियान पराग (७) अपयशी ठरल्याने राजस्थानच्या धावांचा वेग मंदावला होता. बटलर व शिमरॉन हेटमायर या जोडीने तो वेग पुन्हा मिळवून दिला. बटलरने ५१ चेंडूंत ११ चौकार व १ षटकाराच्या मदतीने ७९ धावा चोपल्या. हेटमायरनेही २१ चेंडूंत ३९ धावांची नाबाद खेळी करताना १ चौकार व ४ उत्तुंग षटकार खेचले. राजस्थानने ४ बाद १९९ धावा करून दिल्ली कॅपिटल्ससमोर तगडे लक्ष्य ठेवले होते त्यापुढे दिल्लीने गुडघे टेकले.