IPL 2023 SRH vs PBKS: शिखर धवनची वादळी खेळी! अवघ्या एका धावानी हुकले शतक, पण तरीही रचला मोठा विक्रम

पंजाब संघाने पहिल्या ६ षटकात ३ विकेट गमावल्या होत्या-

या सामन्यात सनरायझर्स हैदराबाद संघाने नाणेफेक जिंकून प्रथम गोलंदाजी करण्याचा निर्णय घेतला. यानंतर पंजाबकडून डावाची सुरुवात करणाऱ्या कर्णधार शिखर धवन आणि प्रभसिमरन कौर या जोडीला संघाला चांगली सुरुवात करता आली नाही. प्रभसिमरन खाते न उघडता भुवनेश्वर कुमारचा बळी ठरला.

आणखी वाचा

Harbhajan Singh : ‘जर सुरुवात चांगली झाली नाही तर…’, हरभजन सिंगचे पर्थ कसोटीपूर्वी मोठं वक्तव्य; म्हणाला, ‘पहिलाच सामना खूप…’

महायुतीला सत्ता मिळाली, लाडक्या बहिणींना २१०० रुपये कधीपासून…

ENG vs WI: वेस्ट इंडिजचा इंग्लंडवर ऐतिहासिक विजय! संथ सुरूवातीनंतर षटकारांचा पाऊस, कॅरेबियन संघाने मोडला ७ वर्षे जुना विक्रम

IND vs SA: तिलक वर्मा-संजू सॅमसनचे ‘वर्ल्ड रेकॉर्ड’, जोहान्सबर्गमध्ये लावली विक्रमांची चळत; वाचा १० अनोखे विक्रम

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

IND vs AUS: मोहम्मद शमी बॉर्डर गावस्कर ट्रॉफीसाठी भारतीय संघात कधी होणार सामील? कोचने दिले अपडेट

IND vs SA 3rd T20 Highlights : रोमहर्षक सामन्यात भारताने मारली बाजी! तिलक वर्माचा शतकी तडाखा, मालिकेत २-१ घेतली आघाडी

धवन राठीच्या भागीदारीने मोडला मोठा विक्रम –

धवन भलेही शतक पूर्ण करू शकला नसेल पण या काळात त्याने एक विक्रम नक्कीच मोडला. धवनने मोहित राठीसोबत शेवटच्या विकेटसाठी ५५ धावांची भागीदारी केली, जो आयपीएलच्या १५ वर्षांच्या इतिहासातील १०व्या विकेट्साठी सर्वात मोठ्या भागीदारीचा विक्रम आहे. दोघांनी ५ षटकांची भागीदारी केली, ज्यामध्ये राठीने केवळ २ चेंडू खेळले आणि धवनने २८ चेंडू खेळून संघाचा डाव सावरला. धवनने ६६ चेंडूत ९९ धावा केल्या आणि नाबाद परतला. त्याच्याशिवाय पंजाबचे उर्वरित १० फलंदाज केवळ ३८ धावा करू शकले, तर ६ धावा वाईड आणि लेग बायमधून आल्या.

हेही वाचा – IPL 2023: राशिद खानने रचला इतिहास; कोलकात्याविरुद्ध हॅटट्रिक नोंदवत ‘या’ पाच गोलंदाजांना टाकले मागे

धवनने पंजाबचा डाव सावरला –

पंजाब किंग्जने ६९ धावांपर्यंत आपला निम्मा संघ गमावला होता, त्यानंतर शिखर धवन एका बाजूने संघाची धावसंख्या वाढवत राहिला, तर दुसऱ्या बाजूकडून विकेट्स पडण्याची प्रक्रिया सातत्याने पाहायला मिळाली. या सामन्यात पंजाब किंग्जचा संघ २० षटकांत १४३ धावांपर्यंत मजल मारण्यात यशस्वी ठरला, ज्यामध्ये कर्णधार धवनच्या बॅटमधून ९९ धावांची नाबाद खेळी पाहायला मिळाली. पंजाबच्या ९ फलंदाजांना दुहेरी आकडाही स्पर्श करता आला नाही. मोहित राठीसह धवनने अखेरच्या विकेटसाठी ५५ धावांची शानदार भागीदारी केली.

हैदराबादसाठी या सामन्यात लेगस्पिनर मयंक मार्कंडेने आपल्या गोलंदाजीत केवळ १५ धावा देत ४ षटकात ४ बळी घेतले. याशिवाय उमरान मलिक आणि मार्को यान्सिन यांनी २-२ विकेट्स आपल्या नावावर केल्या.