Sunrisers Hyderabad vs Gujrat Titans Score Updates : आयपीएल २०२३ चा ६२ वा सामना अहमदाबादच्या नरेंद्र मोदी स्टेडियममध्ये गुजरात टायटन्स आणि सनरायझर्स हैदराबाद यांच्यात होत आहे. एसआरएचने नाणेफेक जिंकून प्रथम गोलंदाजी करण्याच निर्णय घेतला. त्यानंतर मैदानात उतरलेल्या गुजरातच्या फलंदाजांनी हैदराबादच्या गोलंदाजांचा खरपूस समाचार घेतला. गुजरातचा सलामीवीर फलंदाज शुबमन गिलने पुन्हा एकदा धडाकेबाज फलंदाजी करत मैदानात धावांचा पाऊस पाडला. गिलने ५६ चेंडूत १०० धावांची खेळी करत आयपीएलमधील पहिलं शतक ठोकलं. या शतकाच्या जोरावर गुजरात टायटन्सने २० षटकात १८८ धावांपर्यंत मजल मारली. त्यामुळे हैदराबादला विजयासाठी १८९ धावांचं लक्ष्य गाठावं लागणार आहे.

आंरराष्ट्रीय क्रिकेटमध्ये तिनही फॉर्मेटमध्ये शतकी खेळी करणाऱ्या गिलने यंदाच्या आयपीएल हंगामात धमाका केला. गिलने सनरायझर्स विरोधात होत असलेल्या सामन्यात नरेंद्र मोदी स्टेडियममध्ये चौफेर फटकेबाजी केली आणि आयपीएलमधील पहिलं शतक ठोकलं. शुबमन गिलने ५६ चेंडूत १०० धावांची खेळी करत शतक ठोकलं. गिलने या इनिंगमध्ये १३ चौकार आणि १ षटकार ठोकला.

गिलने ५७ चेंडूत १०१ धावा केल्या. भुवनेश्वर कुमारने गिलला बाद करून गुजरातला मोठा धक्का दिला. या संपूर्ण इनिंगमध्ये भूवनेश्वर कुमारने ५ विकेट्स घेत चमकदार कामगिरी केली. साई सुदर्शनने ३६ चेंडूत ४७ धावांची खेळी साकारली. जेनसेन, फारूकी आणि नटराजनने हैदराबादसाठी प्रत्येकी एक विकेट घेतली. भुवनेश्वरच्या भेदक माऱ्यामुळं गुजरातला दोनशे धावांचा टप्पा पार करता आला नाही.