“ज्यांना माझ्या वक्तव्यावर आक्षेप असेल, त्यांनी…”

“मी विराटच्या अपयशासाठी अनुष्काला जबाबदार ठरवलं नाही. मी कोणत्याही प्रकारची आक्षेपार्ह टिप्पणी केलेली नाही. लॉकडाउनमध्ये एक व्हिडीओ व्हायरल झाला होता. त्या व्हिडीओमध्ये अनुष्का विराटला गोलंदाजी करत होती. त्याबद्दल बोलताना अनुष्काने विराटला गोलंदाजी केली असं मी म्हटलं होतं. त्यात मी अनुष्काला दोषी ठरवलं नव्हतं. लॉकडाऊन काळात विराटने एवढीच गोलंदाजी खेळली होती”, असंही गावसकर म्हणाले.

“ज्यांना माझ्या वक्तव्यावर आक्षेप असेल किंवा ज्यांना कोणाला माझं वक्तव्य खटकलं असेल, त्यांनी ती क्लिप नीट ऐका आणि मला सांगा की मी काय चुकीचं बोललो? मी अनुष्काला दोषी ठरवलं नाही. कोणतीही आक्षेपार्ह टिप्पणीही केलेली नाही. तुम्ही पुन्हा एकदा तो व्हिडीओ बघा. मी काय बोललो ते नीट ऐका मग हवं ते खुशाल बोला. शीर्षकांवर (हेडलाइन्सल) विश्वास ठेवू नका. स्वत: व्हिडीओ बघा. मी माझ्या भूमिकेबाबत साशंक नाही”, असं रोखठोक मत गावसकर यांनी मांडलं.