IPL 2024: दुखापतीशी झुंजत सूर्या एकटाच लढला, वादळी खेळीनंतर स्वत: दिले दुखापतीचे अपडेट, ट्वेन्टी२० वर्ल्डकप खेळणार का?

सूर्यकुमार यादवने आयपीएलमधील आपले दुसरे शतक ५१ चेंडूत पूर्ण केले. त्याने विजयी षटकारासह संघाला विजयही मिळवून दिला आणि शतक पूर्ण केले. सूर्यकुमार यादवने १०२ धावांच्या खेळीत १२ चौकार आणि ६ षटकार लगावले. या खेळीदरम्यान सूर्यकुमार यादवला धावताना त्रास होत होता. अर्धशतक पूर्ण करण्याआधीच झटपट धावा घेताना सूर्याला त्रास होत होता. यानंतरही त्याने फलंदाजी सुरूच ठेवली. पण त्याला दोन धावा काढणं जमेना. सूर्याने चौथ्या विकेटसाठी तिलक वर्मासोबत १४३ धावांची भागीदारी केली. चौथ्या विकेटसाठी आयपीएलच्या इतिहासातील ही दुसरी सर्वोच्च भागीदारी आहे.

आणखी वाचा

KL Rahul : टीम इंडियासाठी आनंदाची बातमी! पर्थ कसोटी सामन्यापूर्वी ‘हा’ स्टार खेळाडू दुखापतीतून सावरला

महायुतीला सत्ता मिळाली, लाडक्या बहिणींना २१०० रुपये कधीपासून…

Shubman Gill : ऑस्ट्रेलियाविरुद्धच्या पर्थ कसोटीतून शुबमन गिल बाहेर? पहिल्या सामन्यापूर्वीच भारताची वाढली डोकेदुखी

Suryakumar Yadav : ‘आता सगळ्यांनी मायदेशात जाऊन…’, दक्षिण आफ्रिकेविरुद्धची मालिका जिंकल्यानंतर सूर्याने संघाला दिला महत्त्वाचा सल्ला

IND vs AUS: मोहम्मद शमी बॉर्डर गावस्कर ट्रॉफीसाठी भारतीय संघात कधी होणार सामील? कोचने दिले अपडेट

भारतीय फलंदाजांकडे लक्ष; दक्षिण आफ्रिकेविरुद्ध तिसरा ट्वेन्टी२० सामना आज; सूर्यकुमार, पंड्याकडून अपेक्षा

IND vs AUS : ‘ते पहिल्याच सामन्यात कळेल…’, गंभीरने पॉन्टिंगची बोलती बंद केल्यानंतर माईक हसीचे मोठे वक्तव्य; म्हणाला, ‘भारताला त्रास होईल…’

सूर्यकुमार यादवला झाली दुखापत?

दुखापतीनंतर ४ महिन्यांच्या ब्रेकनंतर सूर्याने आयपीएलमधून क्रिकेट मैदानावर पुनरागमन केले. सुरूवातीच्या काही सामन्यांमध्ये सूर्याला इम्पॅक्ट प्लेअर म्हणून खेळवले जात होते. पण सूर्या गेल्या दोन सामन्यांपासून क्षेत्ररक्षणही करताना दिसत आहे. टी-२० विश्वचषक समोर असताना सूर्याचे १०० टक्के फिट असणे भारतासाठी अधिक महत्त्वाचे असणार आहे. पण या सामन्यात सूर्याला चालताना त्रास होत होता, पण त्याच्या दुखापतीबद्दलचे अपडेट त्याने सामन्यानंतर दिले.

सामनावीर ठरलेला सूर्यकुमार यादव म्हणाला, “मी खूप दिवसांनी मैदानावर फिल्डिंगसहित संपूर्ण षटके फलंदाजी केली. १४ डिसेंबरनंतर पहिल्यांदाच मी २० षटकांसाठी क्षेत्ररक्षण केले आणि १८ षटके फलंदाजी केली. पण मी आता ठीक आहे. फक्त जरा थकलोय.”
सूर्याने आपले अर्धशतक ३० चेंडूत पूर्ण केले. यानंतर सूर्याने गियर बदलत शानदार फलंदाजी केली आणि त्याने पुढच्या ५० धावा फक्त २१ चेंडूत केल्या आणि मुंबई इंडियन्स चार पराभवांनंतर विजय मिळवून दिला.