Vaibhav Suryavanshi IPL 2025 : BCCI ने वैभव सूर्यवंशीच्या हाडांची केली होती चाचणी? लिलावात राजस्थानने १.१ कोटी रुपयांच्या बोलीसह केलं खरेदी

बीसीसीआयने वैभव सूर्यवंशीच्या हाडांची केली होती चाचणी –

१३ वर्षांचा वैभव सूर्यवंशी हा उंच धष्टपुष्ट खेळाडू आहे. त्याची शरीरयष्टी धिप्पाड असल्याने वयाबद्दल प्रश्न निर्माण होत राहतात. २०२३ साली दिलेल्या एका मुलाखतीत त्यांनी २७ सप्टेंबर २०२३ पर्यंत १४ वर्षांचा होणार असल्याचे सांगितले होते, तेव्हा लोकांच्या मनात त्याच्या वयाबद्दल संभ्रम निर्माण झाला होता. वयाचा हा संभ्रम दूर करण्यासाठी जेव्हा टीव्ही 9 हिंदीने त्याचे प्रशिक्षक मनीष ओझा यांच्याशी चर्चा केली. तेव्हा त्यांनी सांगितले की, बीसीसीआयने त्याच्या हाडांची चाचणी केली आहे.

वैभवचे प्रशिक्षक वयाबद्दल काय म्हणाले?

वैभव सूर्यवंशीचे प्रशिक्षक मनीष ओझा यांच्या मते बीसीसीआयला खेळाडूच्या जन्म प्रमाणपत्रावरील वयाशी कोणताही संबंध नसतो. कारण बीसीसीआयकडून खेळाडूच्या वैद्यकीय चाचण्या घेतल्या जातात. ज्यामध्ये त्याच्या हाडांची चाचणी करून, त्याचे वय शोधते आणि त्याचे प्रमाणीकरण केले जाते. प्रशिक्षकाच्या म्हणण्यानुसार, वैभव ९ वर्षांचा असताना बीसीसीआयने त्याची हाडांची चाचणी केली होती. हाडांच्या तपासणीत त्याचे वय एक वर्ष अधिक म्हणजे १० वर्षे, २ महिने किंवा ४ महिन्यांच्या जवळपास होते. प्रशिक्षक पुढे म्हणाले की, वैभवने २०२३ च्या मुलाखतीत जे वय सांगितले होते, ते वय केवळ हाडांच्या चाचणीच्या आधारे दिले गेले असेल.

हेही वाचा – Vaibhav Suryavanshi IPL 2025 : १३ वर्षीय फलंदाजाने IPL मध्ये लिहिला नवा इतिहास, करोडपती होणारा ठरला सर्वात तरुण खेळाडू, कोणी लावली बोली?

u

मनीष ओझा वैभव सूर्यवंशीला तो साडेआठ वर्षांचा असल्यापासून प्रशिक्षण देत आहेत. त्याने पुढे सांगितले की, वैभवच्या शरीराची रचना अशी आहे की, तो त्याच्या वयापेक्षा थोडा मोठा दिसतो. पण त्याला जवळून पाहिल्यावर लक्षात येईल की, त्याला अजून मिशीही आलेली नाही. त्याच्या वयानुसार, वैभव सूर्यवंशी एका चांगल्या फ्रँचायझीत दाखल झाला आहे. जी फ्रँचायझी तरुण खेळाडूंना तयार करण्यावर भर देत आली आहे. संजू सॅमसन, यशस्वी जैस्वाल, रियान पराग हे स्टार्स आहेत, जे राजस्थानकडून आयपीएल खेळून चमकले आहेत. आगामी काळात त्या यादीत वैभव सूर्यवंशी यांचेही नाव जोडले जाण्याची शक्यता आहे.