IPL 2025 Virat Kohli Nudges Jasprit Bumrah Video: विराट कोहलीने मुंबई इंडियन्सविरूद्धच्या सामन्यात उत्कृष्ट फलंदाजी करत २९ चेंडूत आपले अर्धशतक पूर्ण केले. वेगवान आणि फिरकी गोलंदाजीविरूद्ध विराटने कमालीची फटकेबाजी करत सर्वांचं लक्ष वेधलं. अर्धशतकासह विराट कोहलीने नवा विक्रमही रचला. विराट कोहली आणि बुमराह यांच्यातील आयपीएलच्या मैदानावरील टशन तर आपल्याला माहितच आहे. या सामन्यातील विराट-बुमराहचा एक व्हीडिओ व्हायरल होत आहे.

आपल्या ऐतिहासिक खेळीदरम्यान विराट कोहलीने बुमराहबरोबर असं काही केलं की सर्वांचं लक्ष वेधून घेतलं. या खेळीदरम्यान विराट कोहलीने बुमराहला धक्का दिला. इतकंच नव्हे तर विराटने बुमराहच्या गोलंदाजीवर त्याच्या आयपीएल 2025 मधील पहिल्याच षटकात एक दणदणीत षटकार लगावला.

जसप्रीत बुमराहची त्याच्या आयपीएल कारकिर्दीतील पहिली विकेट ही विराट कोहली होती. तर आरसीबीविरूद्ध सामन्यात जसप्रीत बुमराह दुखापतीनंतर पहिल्यांदाच मैदानात उतरला आहे. त्यामुळे या सामन्यात बुमराहविरूद्ध विराट कशी गोलंदाजी करणार यावर सर्वांच्या नजरा होत्या. पण कोहली मात्र विराट अंदाजात फलंदाजी करताना दिसला.

हेही वाचा

११ व्या षटकात बुमराहला विराटने धक्का दिला. ११ व्या षटकात विराट आणि रजत पाटीदार फलंदाजी करत होते. बुमराहने या षटकात फक्त १-१ धाव काढण्याची संधी दिली. बुमराहने पाचवा चेंडू रजत पाटीदारला टाकला आणि त्याने फटका मारलेला चेंडू बुमराहने टिपला. यानंतर बुमराहने चेंडू टिपत दुसऱ्या टोकाला मारण्याची अॅक्शन केली, बुमराहने चेंडू फेकण्याची अॅक्शन केली, पण चेंडू मात्र बुमराहच्या हातातच होता. तर तोपर्यंत विराट त्याच्या जागेवर जाऊन उभा होता. विराटनेही हे पाहिलं आणि बुमराह हसत हसत पुन्हा माघारी जात होता. तितक्यात विराटने त्याच्याकडे बघत त्याला धक्का मारला.

हेही वाचा

दरम्यान दोन्ही खेळाडूंमध्ये एक खेळीमेळीचं वातावरण पाहायला मिळाला. विराट आणि बुमराह एकमेकांशी बोलताना हसताना दिसले. तर विराटनेही हसत हसत त्याला धक्का दिला. ९३ दिवसांनंतर क्रिकेटच्या मैदानावर परतल्यानंतर बुमराहला पहिल्या सामन्यात बुमराहला विकेट घेता आली नाही. मात्र धावांवर अंकुश ठेवण्याचं काम मात्र बुमराहने केलं.

हेही वाचा