Virat Kohli Disappointed Look Video: आयपीएल २०२४ च्या पॉईंट टेबलमध्ये वरच्या गटातील सन रायजर्स हैदराबाद व खालच्या गटातील रॉयल चॅलेंजर्स बंगळुरूमध्ये झालेल्या सामन्यात आरसीबीने विजय आपल्या नावे केला. या बहुप्रतीक्षित विजयाच्या आधी सलग सात सामन्यांमध्ये पराभवाने आरसीबीची अवस्था बिकट झाली होती. त्यातही कोलकाता नाईट रायडर्स विरुद्धच्या सामन्यात तर हातातोंडाशी आलेला घास त्यांच्याकडून हिरावून घेतला होता. केकेआर विरुद्ध आरसीबी सामन्यात विराट कोहलीला बाद देण्यावरून झालेला वाद आपणही पाहिला असेलच. अवघ्या ६ चेंडूंमध्ये १८ धावा करत विराट आपलं वर्चस्व गाजवत असताना अचानक हर्षित राणाच्या फुल टॉसवर त्याला बाद देण्यात आलं होतं, यावरून कोहली व पंचांमध्ये शाब्दिक बाचाबाची झाली होती. ‘त्या’ बाद देण्याच्या निर्णयावरून कोहली अजूनही नाराज असल्याचं अलीकडेच व्हायरल होणाऱ्या एका व्हिडीओमध्ये पाहायला मिळतंय.
हजारपेक्षा जास्त प्रीमियम लेखांचा आस्वाद घ्या ई-पेपर अर्काइव्हचा पूर्ण अॅक्सेस कार्यक्रमांमध्ये निवडक सदस्यांना सहभागी होण्याची संधी ई-पेपर डाउनलोड करण्याची सुविधा
