‘वडापाव’च्या वक्तव्यावर विरेंद्र सेहवाग म्हणाला, ” रोहितच्या चाहत्यांनी सबुरीनं घ्यावं, तुमच्यापेक्षा…”

कमिन्सने जोरदार फटकेबाजी करत मुंबईच्या हातातील सामना केकेआरच्या खिशात टाकला. यावर सेहवागने प्रतिक्रिया व्यक्त करत ट्वीटमध्ये म्हटलं, “तोंडातून घास काढून घेतला. सॉरी वडापाव ओढून घेतला. पॅट कमिन्सची ही खेळी ‘क्लिन हिटिंग’च्या सर्वोत्तम खेळीपैकी एक आहे. १५ चेंडूत ५६ धावा.”

सेहवागने आपल्या ट्वीटमध्ये तोंडातून वडापाव ओढून घेतल्याचं म्हणताच मुंबई इंडियन्स आणि रोहितचे चाहते चांगलेच आक्रमक होताना दिसले. त्यांनी सेहवागच्या ट्वीटवर प्रतिक्रियांचा पाऊस पाडत वडापाव उल्लेख रोहितसाठी केल्याचा आरोप करत टीका केली. अखेर यावर सेहवागला ट्वीट करत स्पष्टीकरण देण्याची वेळ आली. त्यात सेहवागने आपण वडापाव सेहवागला म्हटलं नसल्याचं सांगितलं.

हेही वाचा : VIDEO: “आवाज बढाओ यार…”, पॅट कमिन्सच्या स्फोटक फलंदाजीनंतर वैतागलेल्या रोहितची प्रतिक्रिया

सेहवागने आपल्या वडापाव वक्तव्यावर स्पष्टीकरण देताना म्हटलं, “वडापावचा संदर्भ मुंबईसाठी आहे. एक शहर जे वडापाववर जगतं. रोहितच्या चाहत्यांनी सबुरीनं घ्यावं. तुमच्यापेक्षा मी रोहितच्या फलंदाजीचा मोठा प्रशंसक आहे.”