Harbhajan Singh on Yuvraj Singh: भारताला दोन वेळा विश्वचषक जिंकून देणारा स्टार खेळाडू युवराज सिंगची कहाणी प्रत्येकासाठी प्रेरणादायी आहे. २०११च्या विश्वचषकादरम्यान युवी आपल्या जीवावर बेतत राहिला पण त्याने मैदानात लढणे सोडले नाही. टीम इंडियाला वर्ल्ड चॅम्पियन बनवण्यात त्याने सर्वात मोठे योगदान दिले. दरम्यान, आयपीएल २०२३ दरम्यान हिंदी कॉमेंट्री करत असलेला भारताचा माजी फिरकीपटू हरभजन सिंगने त्याचा सहकारी युवराजचे कौतुक करताना मोठा खुलासा केला आहे.
युवराज सिंगने २०११ मध्ये चमकदार कामगिरी केली होती. संपूर्ण स्पर्धेत तो कर्करोगाशी झुंज देत असल्याचे जगाला कळले तेव्हा त्याची कामगिरी नेत्रदीपक ठरली. २ एप्रिल २०२३ रोजी भारताच्या या ऐतिहासिक विजयाला १२ वर्षे पूर्ण झाली. एमएस धोनीच्या नेतृत्वाखालील संघाने विश्वचषकाच्या फायनलमध्ये श्रीलंकेचा पराभव केला. त्या टीमचा एक भाग असलेल्या भज्जीने युवराजबद्दल एक भावनिक गोष्ट शेअर केली.
युवराज सिंगवर हरभजनचा मोठा खुलासा
हरभजन सिंगने स्टारस्पोर्ट्सवरील संभाषणात सांगितले की, “युवराजला प्रत्येक सामन्यापूर्वी खोकला आणि उलट्या होत असल्याने मी युवराजबाबत चिंतेत होतो. भज्जी पुढे म्हणाला की, “मी त्याला विचारायचो भाऊ ‘तुला काय झालंय, तुला एवढा खोकला का येतो? तुमचे वय बघा आणि तुम्ही काय करत आहात!’ पण तो कोणत्या परिस्थितीतून जात आहे हे आम्हाला त्यावेळी माहीत नव्हते आणि त्या आजारपणात तो विश्वचषक खेळला, त्याने जिंकूनही दिला. त्याला कर्करोग झाला आहे हे कळू सुद्धा दिले नाही.”
हरभजन पुढे म्हणाला की, “नंतर युवराजला कळले की ही कॅन्सरची लक्षणे आहेत. पण आधी जेव्हा माहिती नव्हते तेव्हा आम्ही त्याची चेष्टा करत होतो. अशा झुंजार चॅम्पियनला आम्ही सर्वजण सलाम करतो.” २०११च्या विश्वचषक स्पर्धेत भारताला चॅम्पियन बनवण्यात मोलाची भूमिका बजावणाऱ्या युवराज सिंगने चार वर्षांपूर्वी झालेल्या टी२० विश्वचषकातही छाप पाडली होती आणि इंग्लंडविरुद्धच्या सामन्यात स्टुअर्ट ब्रॉडने फटकेबाजी करत खळबळ उडवून दिली होती. एका षटकात सहा षटकार.
माहितीसाठी, विश्वचषक २०११ मध्ये युवराज सिंगने ९ सामन्यांच्या ८ डावात ३६२ धावा केल्या होत्या, ज्यामध्ये ४ अर्धशतक आणि एक शतकही आहे. त्याने या स्पर्धेतही चांगली गोलंदाजी केली, त्याने ९ सामन्यांत ५.०२च्या इकॉनॉमीने १५ विकेट्स घेतल्या. हरभजन पुढे म्हणाला, “एकदा नव्हे तर दोनदा युवराजने आम्हाला विश्वचषक जिंकण्यास मदत केली. युवराज सिंग नसता तर भारताने २०११ चा विश्वचषक जिंकला नसता असे मला वाटते. युवराजसारखा खेळाडू यापूर्वीही झाला नाही आणि पुढेही होणार नाही.” असे म्हणत तो खूप भावूक झाला.
