IPL 2024 : ‘आरसीबीने पैसा वाया घालवला…’, बंगळुरुच्या विजयानंतर यशच्या वडिलांचा टीकाकारांबद्दल खुलासा

यश दयालचे वडील काय म्हणाले?

इंडियन एक्सप्रेसला दिलेल्या मुलाखतीदरम्यान यशच्या वडिलांनी सांगितले की, ‘सीएसकेविरुद्धच्या सामन्याच्या शेवटच्या षटकात मी टीव्ही चालू करण्यापासून स्वतःला रोखू शकलो नाही. धोनीने पहिल्या चेंडूवर षटकार मारला तेव्हा मी माझ्या मुलाचा आणखी एक सामना उध्वस्त केल्याबद्दल स्वतःला दोष देत होतो. धोनी असा फलंदाज आहे, जो आजही कोणत्याही गोलंदाजाच्या षटकात धावांचा पाऊस पाडू शकतो. त्यामुळे मी हात जोडून देवाला प्रार्थना करू करत होतो. देवा, आजचा दिवस माझ्या मुलाचा खास बनव आणि मागील हंगामाप्रमाणे होऊ देऊ नको. मात्र, पहिल्या चेंडूनंतर त्याने ज्या प्रकारे संयम राखला, त्यामुळे या विजयाचा मी मनापासून आनंद घेतला.”

आणखी वाचा

Champions Trophy 2025 : चॅम्पियन्स ट्रॉफीसाठी ‘या’ देशाचा पाकिस्तानला पाठिंबा, BCCI शी पंगा घेणं पडू शकतं महागात

‘हिंदुत्व तोडणारा राक्षस’, कालीचरण यांच्या विधानानंतर मनोज जरांगे…

सत्ता आल्यावर कराड जिल्हा करणार – पृथ्वीराज चव्हाण

IND vs SA: टीम इंडियाचा धावांचा पर्वत, संजू-तिलकची शतकं आणि विक्रमी भागीदारी

IND vs AUS: मोहम्मद शमी बॉर्डर गावस्कर ट्रॉफीसाठी भारतीय संघात कधी होणार सामील? कोचने दिले अपडेट

KL Rahul: “मैदानावर जे काही घडलं ते फार चांगलं…”, संजीव गोयंका भर मैदानात भडकल्याच्या घटनेवर केएल राहुलने पहिल्यांदाच केलं वक्तव्य

Champions Trophy 2025 : चॅम्पियन्स ट्रॉफी अन्य देशात हलवल्यास पाकिस्तान बोर्डाला कोट्यवधींचा फटका; कसा ते जाणून घ्या

Mumbai Indians : मुंबई इंडियन्स विक्रमी सहाव्यांदा जेतेपद पटकावण्यासाठी ‘या’ पाच जुन्या शिलेदारांवर लावणार बोली, जाणून घ्या कोण आहेत?

लोकांचे जुने टोमणे आठवले –

आरसीबीने दयालला ५ कोटी रुपयांना विकत घेतल्यानंतर चंद्रपाल दयालने त्यांना कोणत्या टोमण्यांचा सामना करावा लागला याचा खुलासा केला. चंद्रपाल दयाल म्हणाले, “त्या सामन्यानंतर माझ्या ओळखीच्या कोणीतरी व्हॉट्सॲप ग्रुपमध्ये एक मीम शेअर केला होता, ज्यामध्ये यशची खिल्ली उडवली होती. मला अजूनही आठवते की त्यांनी मीम्समध्ये लिहिले होते, ‘प्रयागराज एक्सप्रेसची कहानी सुरू होण्यापूर्वीच संपली. अशा रीतीने विनोदनिर्मिती थांबली नाही. त्यानंतर आम्ही आमचा फॅमिली ग्रुप सोडून सर्व व्हॉट्सॲप ग्रुप सोडले. इतकंच नाही तर जेव्हा आरसीबीने त्याला लिलावात ५ कोटींमध्ये निवडलं तेव्हा मला आठवतं की कोणी तरी म्हणालं होतं की, बंगळुरूने पैसा वाया घालवला. आपण अशा जगात राहतो जिथे तुम्ही सोशल मीडियावर नजर टाकली तरीही तुम्हाला अजूनही अशा गोष्टी दिसतील.”

हेही वाचा – IPL 2024 : रोहित शर्मा खोटं बोलला? स्टार स्पोर्ट्सने हिटमॅनला दिले चोख प्रत्युत्तर, काय आहे संपूर्ण प्रकरण? जाणून घ्या

आता मला खूप शुभेच्छा मिळत आहेत – चंद्रपाल दयाल

यश दयालचे वडील पुढे म्हणाले, “प्रत्येकाला यश कमजोर वाटत होता. आता माझ्यावर फोनवरुन खूप अभिनंदनाचा वर्षाव होत आहे. पण तरीही त्याच्या मेहनतीबद्दल आणि दबावाला तोंड देण्याच्या पद्धतीबद्दल कोणीही चर्चा करत नाही. गेल्या वर्षभरात यशला त्याच्या खेळात अनेक नवीन गोष्टी शिकायला मिळाल्या. अलीकडच्या काळात आपल्याला एक कुटुंब म्हणून जाणवलेली एक गोष्ट म्हणजे क्रिकेट हा खरोखरच एक मजेदार खेळ आहे.”

हेही वाचा – KKR vs SRH Qualifier 1 : कोलकाता की हैदराबाद प्लेऑफ्समध्ये कोणाचं वर्चस्व? जाणून घ्या

यश दयालचे वडील अद्याप स्टेडियममध्ये गेलेले नाहीत –

यश दयालचे वडील म्हणाले, “यंदाच्या आयपीएलमध्ये मी अद्याप स्टेडियममध्ये एकही सामना पाहिला नाही. यशने मला शेवटचे दोन लीग सामने पाहण्यासाठी बंगळुरूला येण्यास सांगितले होते. मी त्याला अचानक म्हणालो, आम्ही प्लेऑफला येऊ. तो म्हणाला, ‘पप्पा, शक्यता खूप कमी आहे. आता ते पात्र झाले आहेत आणि मी अहमदाबादसाठी माझी तिकिटे बुक करेन.”